FOTO DENUNCIA

O PSOE esixe ao PP que amañe inmediatamente o Camiño do Sartego Hai máis de tres meses que concluiron as obras nesta importante vía e aínda non se repuxo o aglomerado da mesma. 

 Dende hai máis de tres meses os veciños do Sartego (Fene) esperan a que o Concello repoña o firme do camiño do memo nome, levantado a consecuencia dunhas obras de abastacemento realizadas na zona. As obras hai tempo que concluiron, pero nin o Concello de Fene nin a empresa encargada das mesmas repuxeron o aglomerado retirado.

 Debido a isto, no tramo comprendido entre o cruce do Camiño do Sartego co de Fonte do Campo (entorno da Casa da Cultura) e o cruce co da Casa Vella, o vial presenta algún bache de grandes dimesións, ademais de numerosas irregularidades que dificultan o transito normal de vehículos e a aumentan a inseguridade dos peóns e veciños que transitan pola zona.

 Durante os primeiros meses os baches estiveron simplemente recheos de zahorra, ata que a finais de agosto, a raíz precisamente das queixas formuladas xa daquela polo Partido Socialista, uns foron tapados con formigón e outros con gravilla. Unha solución que se entendeu como provisional, xa que se trata dunha camiño con firme de aglomerado, pero logo dun mes a situación segue igual e parece definitiva.

 Por iso, de novo o Partido Socialista, esíxelle ao PP de Fene que amañe dunha vez por todas o firme deste camiño, tapando todos os baches con aglomerado e retirando a gravilla solta que inunda a día de hoxe toda a calzada, xa que está a provocar constantes situacións de inseguridade para os vehículos e os peóns.

 Iván Puentes, portavoz do PSOE, sinala que “o pasostismo e deixadez amosados con este camiño son unha mostra máis de como o PP ignora as necesidades dos veciños e veciñas do Sartego e do resto do Concello. Non escoitan á xente.”

 Lembra tamén o Partido Socialista que a decisión do PP de establecer hai un ano unha dirección única no Camiño da Casanova, que conecta a Avenida do Concello e a Avenida Naturais co Sartego, ten provocado un considerable aumento do tráfico neste tramo do que agora se reclama o seu amaño.

O lixo amoréase nas praias de Fene en plena tempada de verán

 Lixo praia San Valentin 

Lixo praia San Valentin

O material retirado na limpeza dos areais non se elimina, senón que se acumula desde hai máis dun mes nas inmediacións de todas as praias

Como acontece todos os anos, o Concello de Fene contratou recentemente os traballos de limpeza de praias, pero a diferencia do que sucedeu sempre, o lixo retirado dos areais non é levado para o seu tratamento e eliminación posterior, senón que desde o primeiro momento está sendo amoreado nas inmediacións das mesmas.

Así, en prácticamente calquera das seis praias coas que conta o Concello de Fene, pódense atopar hoxe grandes montóns de lixo, que medran cada día, que afean o entorno e que vulneran as mínimas condicións de salubridade, hixiene e sostenibilidade nas que deben estar os areais. O problema agrávase se temos en conta que este lixo non está nin tan siquiera depositado nun contenedor, senón que se acumula directamente sobre o chan.

Son numenrosos os cidadáns que manifestaron xa o seu malestar polos cheiros e acumulación de insectos, entre outras molestias, que esta concentración de residuos está provocando. Según Iván Puentes, portavoz socialista, “o mal tempo axudou a que esta imprudencia non pasara a maiores, pero tan pronto como se incrementen as temperaturas e a xente vaia á praia, podemos atoparnos cun problema serio se non se adoptan medidas”.

Por iso, o PSOE de Fene pídelle ao Goberno Municipal que retire de xeito inmediato todo o lixo que se acumula nas praias de Fene e que sexa eliminado correctamente, para non poñer en risco a saúde e hixiene dos usuarios e non perxudicar aínda máis unha tempada de verán que xa se prevé por si suficientemente dura.

Elixida a nova Executiva Municipal do PSdeG-PSOE de Fene co apoio do 90% dos militantes

Antón Noceda, como Secretario Xeral e Iván Puentes, como Vicesecretario, repiten ao fronte dunha dirección local renovada en máis do 30%.

  Os socialistas de Fene reuniron esta mañá á súa Asemblea coa fin de elixir á nova Executiva Municipal da agrupación. A única candidatura presentada, encabezada polo actual Secretario Xeral, Antón Lois Noceda Carballo, obtivo finalmente o apoio do 90% dos militantes, idéntico porcentaxe co que foi aprobada tamén a xestión da Executiva saínte.

 Na súa intervención ante a Asemblea, Noceda animou aos militantes “a traballar na rúa, man a man cos veciños e veciñas de Fene para facer do PSOE a forza política que aúne á esquerda fenesa e que encabece unha alternativa solvente ao nefasto goberno do PP no Concello,” porque, tal e como asegurou, “os cidadáns de Fene, que votaron maioritariamente á esquerda nas eleccións de hai un ano, non merecen afrontar esta crise cun Goberno de dereitas, que aplica no noso concello as mesmas políticas que Feijoo ou Rajoy aplican na Xunta e no Goberno de España e que están emprobrecendo cada día máis aos traballadores e traballadoras do noso país, liquidando literalmente o seu futuro.”

A crise económica foi precisamente outro dos temas centrais da intervención do novo Secretario Xeral, afirmando que “esta grave situación ten nome e apelidos, a dos mercados e especuladores da dereita que queren aproveitar o caos económico para desmantelar o estado do benestar e liquidar os nosos dereitos.” “A nosa responsabilidade como socialiastas -continuou Noceda- consiste en lograr que os responsables da crise paguen polos seus actos e en ser capaces de ofrecerlle á cidadanía un modelo alternativo co que superar esta situación mantendo os dereitos sociais que tantos anos de loita nos custou conseguir.”

Xunto con Antón Noceda, repiten na nova dirección socialista fenesa Manuel Allegue (Presidente), Iván Puentes (Vicesecretario Xeral), Margarita Canido (Secretaria de Organización), José Antonio López (Secretario de Administración), José Rico (Secretario de Acción Sindical), Xaime Balsa (Secretario de Mobilización e Acción Electoral) e Amalia García e Concepción Pardo (Secretarias Executivas). Ademais, incorpóranse novas caras á Executiva Municipal do PSdeG-PSOE de Fene, novas incorporacións que supoñen unha renovación de máis do 30% con respecto á dirección anterior. Así, xunto cos nomes xa apuntados, completan esta nova Executiva Emilio Balado Grueiro (Secretario de Política Institucional), Óscar Martínez Montero (Secretario de Comunicación e TIC´s), Matilde Castro (Secretaria Executiva) e Aida Loira (Secretaria Executiva).

 Representantes noutros órganos 

Os militantes socialistas elixiron tamén na asemblea desta mañá aos delegados/as da Agrupación Socialista Fenesa nos diferentes órganos de dirección do PSdeG-PSOE.

Así, no Comité Provincial da Coruña, ademais de Iván Puentes, que é membro nato do mesmo, ao ser elixido para formar parte deste órgano no recente Congreso Provincial, estarán presentes Antón Noceda, Cosme Varela, Amalia García e Concepción Prado.

 Polo outra parte, Margarita Canido e Carlos Rey resultaron elixidos para representar aos socialistas de Fene no Comité Nacional Galego do PSdeG-PSOE

Quejas por la falta de limpieza en la piscina de Fene

El PSOE pide al Concello que realice un informe del estado 

 A través de quejas verbales o escritas, usuarios de la piscina municipal de Fene han mostrado su malestar por el estado de la instalación deportiva. Según indican desde el grupo socialista de Fene, «a falta de limpeza provocou que os líquenes invadiran este mes o fondo do vaso, de xeito que o verde era o cor predominante da auga».

 Para evaluar las condiciones higiénicas y sanitarias de la piscina, el portavoz del PSOE, Iván Puentes, ha pedido al Concello que encargue a los técnicos municipales un informe para estudiar si la empresa que lleva a cabo los trabajos de mantenimiento está cumpliendo o no con el contrato. Desde el partido en la oposición aseguran que, tras esta petición, la concejala de Cultura e Deportes, Rocío Bértoa, remitió las notas de prensa de todos los partidos de la oposición a la firma para que elaborase el informe. «En qué cabeza cabe encargarle un informe sobre o cumplimento ou non do contrato á propia empresa que o está incumprindo», lamenta Puentes. Por ello, el PSOE vuelve a solicitar que sean los propios técnicos municipales quienes determinen la situación.

O PSOE denuncia as condicións laborais dos traballadores das instalacións deportivas municipais

A nova empresa encargada do seu mantemento, Eulen, incumple as condicións de subrogación do personal e reduce notablemente os medios destinados á limpeza.

Pese ao escaso tempo que a empresa Eulen leva prestando o servizo de mantemento das instalacións deportivas municipais (pouco máis de dous meses) os incumplimentos do contrato asinado co Concello de Fene son xa cuantiosos.

Esta mesma semana os representantes dos traballadores, que segundo o prego do concurso terían que ser subrogados por Eulen nas mesmas condicións nas que traballaban coa anterior empresa, denunciaron que a dúas persoas con contrato indefinido anuncióuslles xa o seu paso a temporais discontinuos e ao resto preavisóuselles verbalmente da reducción da súa xornada laboral. Unha decisión incomprensible, xa que co persoal actual Eulen non pode cubrir nin o 75% das horas previstas no contrato co Concello.


Con respecto ao persoal, o Prego de Prescripcións Técnicas regula tamén a necesidade da existencia dun/dunha coordinador/a do servizo con presenza nas instalacións dun mínimo de 8 horas semanais. EULEN soamente achegou en 3 ocasións a unha persoa sin acadar unha presencia superior ás 4 horas nas instalacións. E sempre para tramitacións administrativas e non para labores de coordinación.

Deficiencias no servizo prestado aos veciños/as


Esta precarización nas condicións de traballo do persoal tradúcese nun peor servizo aos veciños/as que usan as instalacións deportivas municipais e súmanse a outros lamentables incumplimentos con respecto ao previsto no prego.


Así, tal e como denuncian os usuarios/as, a hixiene e limpeza da piscina municipal ten empeorado notablemente, pois Eulen segue sen aportar os equipos de manetemento das instalacións deportivas aos que se comprometeu no concurso, como o robot de limpeza da piscina, imprescindible para limpar o fondo da mesma (hoxe xa hay verdín), a pistola a presión para evitar a proliferación de fungos no perímetro do vaso, o fotómetro e o termómetro para controlar o ph da auga ou a necesaria maquina de limpeza para manter axeitadamente o chan dos pavillóns.


A maiores, os socialistas calculan que do total de horas que Eulen está obrigada por contrato a traballar nas instalacións deportivas municipais, está deixando de prestar á semana unhas 86 horas, o que suporía un aforro para a empresa duns 3.000 euros ao mes en salarios e seguridade social.


Así, na piscina municipal Eulen está a prestar só 35 horas semanais das 55 ás que lle obriga o contrato co Concello de Fene, no Pabillón do Ramo, 21 das 37 obrigadas e no campo de fútbol dos Pinares, ningunha das 50 horas á semana que lle corresponden.

A precaridade de medios técnicos e humanos cos que se está a traballar ten producido numerosas situacións singulares, por exemplo, traballadoras da limpeza que por dispoñer dunha soa mopa, teñen que elixir entre lávala e non limpar ese día ou seguir limpando coa suciedade acumulada dos días anteriores, ou servizos de apertura de instalacións na que os/as traballadores/as só se persoan para abrir e pechar as instalación, se ningún tipo de control durante o uso das mesmas, nin posibilidade de atender ningunha incidencia que poida xurdir.


Debido a todos estes graves incumplimentos, o PSdeG-PSOE de Fene solicitálle ao Goberno Municipal de Fene que tome cartas no asunto e que adopte as medidas oportunas para obrigar a Eulen a cumprir co disposto no contrato que asinou recentemente co Concello de Fene para o mantemento das súas instalación deportivas.


Ademais, os socialistas esíxenlle ao PP de Fene que leve a cabo as labores de control precisas para garantir a salubridade das instalación deportivas municipais, fundamentalmente da piscina, a fin de garantir que a deficiente limpeza non implique ningún risco para os usuarios/as.

O PSOE de Fene esixe a dimisión inmediata de Rosa Quintana polos impagos aos mariscadores da Ría

A situación é tan extrema que a algúns dos afectados xas lles foi notificado o inicio dos trámites de embargo da súa vivenda por impago da hipoteca

Iván Puentes afirma que, “tanto se é por incompetencia, como por orgullo, a negativa da Conselleira a pagarlle aos mariscadores/as da Ría de Ferrol os salarios adebedados desde outubro é motivo máis que suficiente para que dimitia ou para que o Presidente asine o seu cese de xeito inmediato.”

A situación na que se atopan os mariscadores e mariscadoras da Confraría de Barallobre, pechados na Casa do Concello de Fene desde hai máis de dúas semanas, está chegando a límites insoportables humana e socialmente. As consecuencias da débeda que a Xunta de Galicia ten con eles son tan graves que algunhas familias, que teñen como única fonte de ingresos o salario que a Consellería de Pesca non lles paga desde o mes de outubro, afirman non ter cartos xa nin para mercar a comida para o seu día a día. Para outros son as hipotecas e créditos asinados cos bancos, que acumulan tantos meses de débeda como meses hai que a Xunta non lles paga, a principal amenaza, tanto que nalgún caso xa recibiron a notificación do inicio dos trámites para o embargo das súas vivendas.

Tal e como sinala Iván Puentes, “é insultante que teñamos un Presidente da Xunta e unha Conselleira que saben deste problema e que non fagan nada para solucionalo; aos que lles dea igual a situación de extrema necesidade á que están condenando aos nosos traballadores do mar. Un Presidente e unha Conselleira que estiveron ata en tres ocasións en Ferrolterra nas últimas semanas e non dedicaron nin un segundo a achegarse a Fene e falar cos mariscadores e mariscadoras pechados na Casa do Concello”.

Así as cousas, pasado un tempo máis que prudencial e vista a pasividade da Xunta ante un problema tan grave, os socialistas de Fene esixen a dimisión imediata da Conselleira Rosa Quintana, por incompetente, por insensible e por facer da “chulería” cos máis necesitados o seu estilo de facer política. Só así se pode cualificar a resposta que lle deu á Patroa Maior da Confraría nunha xuntanza mantida días atrás cando esta lles expoñía a situación na que se atopaban os membros do pósito; “por mi como si os quedáis encerrados todo el año”, espetou a Conselleira, tal e como a propia Patroa relatou pleno deste xoves.

Dos miles de euros adebedados a cada traballador, entorno aos 6.000 en moitos casos, a Xunta só aprobou por agora o pagamento duns 300 que, se se cumpre a palabrar dada pola Conselleira, que se nega plasmar este compromiso por escrito, serían pagados a próxima semana, pero a maior parte da débeda quedaría aínda pendente e o que é máis grave, sen ningunha data prevista para pagarlle aos mariscadores/as.

O Pleno aproba a moción socialista de apoio aos mariscadores/as

O Pleno de Fene, celebrado este xoves, aprobou por unanimidade a moción presentada polo Grupo Municipal do PSdeG-PSOE na que, entre outras cousas, se expresa a solidariedade da Corporación Municipal cos mariscadores/as pechados na Casa do Concello e se lle esixe á Xunta de Galicia que pague de xeito inmediato todos os cartos adebedados aos membros da Confraría de Barallobre, ademais de que nos próximos orzamentos da Comunidade Autónoma se consignen os cartos necesarios para adiantar ao máximo a posta en marcha da Depuradora da banda Sur e sanear dunha vez por todas a Ría de Ferrol.

Froito do acordo con EU-IU e BNG, tamén se incorporou á moción a petición ao Goberno Municipal de Fene de que habilite axudas específicas de emerxencia social para atender ás persoas que se atopen nunha situación de maior necesidade e a suspensión no pago das súas cotizacións á Seguridade Social.

Á sesión plenaria asistiron máis dun cento de afectados, que agradeceron o apoio dos concelleiros/as e pedíronlles que deran todos os pasos precisos para que a Xunta lles pague, nin máis nin menos que o que é seu.

Neste sentido, Iván Puentes esixiulle ao Alcalde e o Partido Popular de Fene que saiban poñer algún día os intereses e necesidades dos seus veciños e veciñas por riba dos de Feijoo e dos do seu partido e que amosen máis contundencia e máis traballo do amosado ata a data para rematar con esta penosa situación.

O PSOE de Fene denuncia que o SERGAS nega información aos parados que perden a cobertura sanitaria

Iván Puentes cualifica de “penoso vía crucis” a situación de moitos veciños/as que, por riba de estar no paro, vense obrigados pola Xunta a deambular entre o Centro de Saúde de Fene e o INSS na Praza de España de Ferrol para que non se lles elimine un dereito tan básico como a atención sanitaria pública.


Hai xa meses que a polémica sobre a retirada da atención sanitaria gratuita aos parados de longa duración por parte da Xunta de Galicia pasou a un segundo plano, pero o famoso código 29 segue sendo un grave problema para moitos veciños e veciñas de Fene. Lonxe de solucionarse, tal e como dixera a Consellería de Sanidade, seguen sendo moitas as persoas que pelexan co SERGAS para non quedarse se cobertura médica na sanidade pública do noso país.

Oficialmente, desde hai uns meses o paso ao código 29 (o que lle recoñece a atención sanitaria aos parados que non perciben prestación) realízase de xeito case inmediato nos centros de saúde e así o afirma o SERGAS, pero é rotundamente falso. Nos últimos días o PSOE de Fene tivo coñecemento de que a Xunta non informa adecuadamente aos traballadores/as dos centros de saúde sobre este trámite, polo que estes tampouco poden asesorar ás persoas que precisan solicitar a alta no código 29 para non perder o dereito á atención médica.

Así, non atopando información suficiente no centro de saúde, os veciños/as afectados son remitidos á oficina do Instituto Nacional da Seguridade da Praza de España de Ferrol, onde o caos e a falta de información é tamén a norma. Colas dunhas 200 persoas, falta de información por parte da Xunta ao INSS e incertidume ante o que un debe facer para non quedarse sen atención médica é o que se atopan as persoas que en palabras de Iván Puentes, se ven inmersas neste “penoso vía crucis ao que os condena o Goberno de Feijoo, que como Poncio Pilato lava as súas sucias mans e mira para outro lado”.

O PSOE quere destacar o esforzo dos funcionarios/as, que pese a todas as trabas postas pola Xunta de Galicia esfórzanse por axudar na medida das súas posibilidades ás persoas que se ven nesta situación.

.

O PP pecha o centro da Terceira Idade de Fene as fins de semana e suprime a cafetería e o comedor

O PSOE esixe á Xunta de Galicia e ao Goberno Municipal que rectifiquen este “recorte miserable” que transtorna gravemente a vida de moitas personas maiores de Fene.

O novo ano comezou cun novo ataque por parte do Partido Popular ao Centro da Terceira Idade de Fene. Sen previo aviso, uns carteis colocados no propio local anunciaron aos usuarios que a partir do día 1 de xaneiro o Centro permanecería pechado sábados, domingos e festivos “por falta de personal”, ademais de suprimir o servizo de cafetería e comedor.

“Indigno e miserable” son os calificativos que Iván Puentes, portavoz do PSOE no Concello de Fene, lle aplicou a este novo recorte do Partido Popular, porque “só así podemos calificar unha decisión que altera gravemente a vida de moitos maiores do noso concello. As mesmas persoas ás que o PP lles prometeu subir as pensións e non aplicarlles recortes son ás que agora ataca con este tipo de medidas, sacándolle cun man o dobre do que lles da coa outra”.

O PSOE esixiralle ao PP no Parlamento explicacións sobre a situación do Centro da Terceira Idade de Fene. Xa no último Pleno do Concello, celebrado este xoves, os socialistas de Fene pediron que o Alcalde tome cartas no asunto e lle esixa aos seus compañeiros de partido na Xunta de Galicia que tomen as medidas necesarias para volver a abrir o centro todos os días da semana e para que deixen de enganar aos usuarios e contraten xa de xeito inmediato a reforma da cociña que permita restablecer o servizo de comedor.

O peche do Centro da Terceira Idade as fins de semana e os festivos colleu por sorpresa a toda a sociedade fenesa, posto que é unha medida que xamais se apuntara por parte da Xunta de Galicia. En todo caso, se o problema deriva da falta de personal, como se di nos carteis, o PSOE de Fene cre que a solución é fácil, basta con que o Goberno de Feijoo contrate a un só dos centos de feneses e fenesas que quedaron sen traballo desde que el é Presidente para que abra e peche o centro eses días.

O problema da cafetería ven xa de vello. Unha inspección sanitaria no ano 2009 determinou que a cociña do Centro non cumpría as condicións requeridas para a elaboración das comidas, motivo polo cal a Xunta de Galicia, presidida daquela polo socialista Pérez Touriño, anunciou a construcción dunha nova cociña e dun novo comedor que solventase os problemas de espazo do actual. Sen embargo, a chegada do PP á Xunta en marzo dese mesmo ano supuxo a paralización dos traballos.

Desde aquela, tanto os usuarios do Centro como Iván Puentes, exercendo aínda como Alcalde de Fene, reuníronse en varias ocasións con diferentes responsables da Xunta de Galicia para lograr que se acometesen estas obras, vitais para a supervivencia do Centro da Terceira Idade. Neses encontros chegouse a un acordo, a Xunta faría a nova cociña e mentres tanto un servizo de catering se encargaría de servir as comidas no local.

Así funciounou, pero esa medida temporal levaba todas as trazas de converterse en permanente, porque durante os dous últimos anos o PP non tomou unha soa decisión que permitise avanzar na construcción da nova cociña, obra da que sigue sen saberse nada. Debido a isto, os actuais responsables da cafetería deciden agora deixala, posto que non lles resulta rendible. E así, unha vez máis, os usuarios do Centro, moitos deles persoas de avanzada idade que viven sós, quedan sen servizo de comida.


Tamén sen calefacción

O deterioro nos servizos do Centro da Terceira Idade de Fene vai máis aló. Varios usuarios fixéronlle chegar ao PSOE o seu malestar polo feito de que dende hai varios días tampouco funciona a calefacción do local, sen que ninguén faga nada para solucionar este problema.

Ademais, cómpre lembrar que o pasado outono decenas de usuarios xa asistiran a un Pleno do Concello para denunciar a supresión da Coral da Terceira Idade e a suba desorbitada no prezo das actividades que se programaron no centro para este curso, pedindolle ao Goberno Municipal que mediase coa Xunta de Galicia para atopar unha solución. Todo a día de hoxe segue igual, sen solución a ningunha das súas demandas.

.

O PSOE esixe nunha moción o amaño inmediato da Avenida do Mar de San Valentín

Centos de veciños e veciñas levan máis de tres meses accedendo ás súas casas, ao colexio público da Xunqueira ou ao polideportivo municipal por esta rúa absolutamente destrozada, plagada de socavóns e inundada cada día de choiva. A situación é xa insostible.

De “escenario de guerra” é como calificou Iván Puentes, portavoz do PSOE no Concello de Fene o estado da Avenida do Mar de San Valentín, unha das principais rúas do centro urbano de Fene. Hai aproximadamente 3 meses que a empresa encargada da construcción do colector da banda Sur da Ría de Ferrol rematou os seus traballos na zona, pero a día de hoxe aínda non cumpriu coa súa obriga de repoñer o pavimento da avenida.

Así, os centos de vehículos e de cidadáns que usan a diario esta rúa, paralela ao paseo marítimo de San Valentín, transitan sobre a zahorra que susbtitúe ao aglomerado, sortean baches de dimensións desproporcionadas e buscan zonas polas que cruzar a calzada nas que non existan balsas de auga para, entre outras cousas, levar ao colo aos seus fillos e fillas ao colexio da Xunqueira ou ao polideportivo e ao parque infantil que existen na zona.

O PSOE de Fene leva desde o mes de setembro recibindo centos de queixas dos veciños e veciñas de San Valentín e de acordo con elas esixíndolle ao Goberno Municipal que se poña fin a esa situación. Sen embargo, tres meses despois, pese ás reiteradas promesas do PP de amañala canto antes, a rúa non só segue igual, senón que o deterioro aumenta cada día. Tanto que no último pleno da corporación, Iván Puentes decidiu tirar de ironía e preguntarlle ao Alcalde se, vistos os socavóns da Avenida do Mar, se estaba a lavar al cabo algún tipo de prospección mineira na zona.

Todos estes aspectos son os que o PSOE de Fene recolle na moción elaborada para reclamar o amaño inmediato da avenida. Concretamente os socialistas pídenlle ao PP de Fene que lle esixa á Xunta de Galicia dúas cuestións: repoñer o aglomerado en todo o ancho do vial, non só no carril levantado inicialmente e, aproveitando estes traballos, substituir as vellas e molestas, fundamentalmente polo ruido que provocan, bandas sonoras que existían na zona por pasos de peóns elevados que eviten o execeso de velocidade dos vehículos sen as moestias orixinadas polas bandas.

“Que haxa que levantar ou cortar incluso a estrada para a construcción do colector é lóxico, pero que tres meses despois o firme dunha rúa principal como esta siga sen se repoñer e sumando cada día máis baches de proporcións descomunais é absolutamente intolerable. E aínda que a obra sexa financiada pola Xunta, é deber do Goberno Municipal de Fene tomar todas cantas medidas estean na súa man para defender os dereitos dos seus veciños e veciñas”, afirma Iván Puentes.

O PP aplica a censura e impide que a moción poda ser debatida neste pleno

Xa no último pleno os socialistas mostraron a súa disconformidade coa pasividade e prepotencia da Concelleira de Urbanismo, Rocío Bértoa, á hora de preparar e conducir as comisións informativas que ela preside, pero este mes a súa actitude foi máis aló do tolerable. A Comisión de Urbanismo, que debía celebrarse con carácter ordinario o martes da semana pasada, non foi convocada e foi substituída por unha xuntanza extraordinaria da mesma o pasado xoves.

A diferencia non é menor, posto que nas reunións ordinarias das comisións os grupos da oposición poden incluír asuntos na orde da día, mentres que nas extraordinarias só se pode debater sobre aquilo que o Goberno Municipal decida levar á Comisión. Pese a ter no seu poder a moción socialista sobre a Avenida do Mar desde días atrás, o PP decidiu non incluíla na orde do día da comisión extraordinaria, vetando así o seu debate na mesma e impedindo ademais que sexa tratada no pleno deste mes, convocado para mañá xoves día 1. Así, como moi cedo, a moción non poderá ser debatida ata o seguinte pleno, previsto para o 5 de xaneiro.


Só a boa sorte pode explicar que a día de hoxe a situación da Avenida do Mar non teña derivado máis que en caídas de peóns con consecuencias leves e nas incomodidades xa descritas, pero o firme da rúa debe ser reparado inmediatamente, porque só hay dúas palabras que podan describir a actual situación, indigna e vergoñenta. E só a pasividade e o nulo interés dun goberno pola seguridade e o benestar dos seus veciños e veciñas pode explicar que logo de dous meses non se teña tomado unha soa solución ao respecto.

.

Nota de Prensa del PSOE

O PP vota en contra da moción do PSOE para esixirlle á Xunta que repoña o profesorado suprimido nos colexios públicos de Fene

Unha vez perpetrado o atentado do Partido Popular contra o ensino público de Fene, que supuxo a reducción para este curso duns 10 mestres/as nos colexios de Os Casais (Maniños) O Ramo (Barallobre) e Centieiras (Perlío) ademais da supresión do Instituto de FP e o traslado a Ferrol de todos os ciclos superiores e parte dos medios que se impartían en Fene, o Partido Socialista levou ao pleno de onte unha moción na que se lle esixe á Xunta de Galicia que de cara ao vindeiro curso repoña o profesorado suprimido.

Tal e como afirma Iván Puentes, “non hai unha reducción de alumnado que sustente esta decisión tan inxusta, a única razón que explica o sucedido é o desexo do PP de deteriorar o ensino público.”

A moción socialista foi aprobada cos votos a favor do propio PSOE, máis os do BNG e Esquerda Unida. Sorprendentemente, en palabras de Puentes, “o PP de Fene co Alcalde á cabeza decidiu unha vez máis poñer os intereses de Feijoo e do seu partido por riba dos do veciños e veciñas e votou en contra da moción.”

Ademais desta moción, os socialistas tamén presentaron no Pleno un conxunto de iniciativas a través das que se lle solicita á Xunta de Galicia a adopción de diversas medidas para mellorar o ensino público en Fene, tales como o cumprimento do Pacto Local no que se refire á asunción por parte do Goberno de Galicia dos gastos derivados do mantemento dos colexios de primaria, agora sufragados polo Concello, a asunción dos dous comedores escolares (Centieiras e o Ramo) do municipio, que agora pagan os pais e nais xunto co Concello ou a rectificación na política de becas de axuda ao estudo do goberno de Feijoo, que supuxo xa este ano a reducción do 50% das contempladas para estudantes de FP e do 25% das universitarias.

Por último, o PSdeG-PSOE votou a favor da moción presentada polos Comités de Empresa de Navantia Fene e Ferrol para apoiar a mobilización comarcal deste domingo, esixindo a construcción do dique flotante para os estaleiros da ría de Ferrol.

Tamén apoiaron os socialistas a moción presentada pola Confraría de Mar¡scadores de Barallobre reclamando o urxente saneamento da Ría e o pago regular por parte da Xunta de Galicia das axudas que perciben os traballadores/as do mar mentres ese saneamento non sexa unha realidade.

Taxas e Impostos Municipais

O PP de Fene someteu ao pleno de onte a aprobación das taxas e impostos municipais para o vindeiro ano. O PSOE favoreceu coa súa abstención a aprobación da proposta para conxelar, non aplicando nin siquiera o IPC, a meirande parte destas taxas e impostos.

Tamén coa súa abstención propiciaron os socialistas a actualización da taxa pola recollida do lixo, á que se lle aplica únicamente o IPC, o que supón unha conxelación técnica e a creación dunha nova ordenanza, xa prevista polo anterior goberno socialista de Fene, para cobrar unha taxa por dereitos de exame a todas aquelas persoas que opten a unha praza de funcionario nos diversos procesos selectivos, agás as persoas en paro.

Por último, o anunciado voto en contra do PSOE, do BNG e de Esquerda Unida fixo que ao final o PP retirase durante o transcurso do Pleno a súa proposta para cobrar polos matrimonios civís que se celebren na casa do Concello. O PSOE considera inxustificable que se eliminen todos os servizos, como música e megafonía, que o Concello poñía antes a disposición dos contraentes nas cerimonias civís e que por riba se pretenda cobrar a cambio de nada. En todo caso, sí que respaldan os socialistas que se aprobe una taxa para cobrar pola celebración de matrimonios de persoas non empadroadas no Concello, pero non para os feneses/as, que xa pagan cos seus impostos os gastos de luz e limpeza da Casa do Concello.

A pesar da súa abstención, o portavoz do PSOE foi moi crítico co Partido Popular na súa intervención, Iván Puentes acusou ao Goberno de Local de “total improvisación e irresponsabilidade” xa que non se elaborou nin un mínimo estudo económico no que poder basarse á hora de decidir que facer con cada taxa.

Ademais, non aplicar o IPC ás taxas e impostos municipais significa que o vindeiro ano o Concello vai deixar de ingresar uns 50.000 euros, que terán que ser pagados igualmente cos cartos de todos os veciños e veciñas a través do presuposto do Concello. O máis grave é que o PP de Fene non sabe ou polo menos non di de onde vai sacar eses cartos. O PSOE está convencido que se obterán do único xeito posible, recortando e reducíndolle servizos a todos os veciños e veciñas.

O PSOE de Fene proporá unha traída do Eume para o Sur da Ría se Ferrol impón a suba no prezo da auga

O Grupo Socialista plantexa deixar de comprarlle a auga a Ferrol

Os socialistas de Fene rexeitan o acordo unilateral do Concello de Ferrol polo cal se subiría novamente o prezo que EMAFESA lle cobra aos concellos da Ría polo abastecemento de auga.

Inxusta, ilegal, insultante ou desproporcionada son os adxetivos cos que o PSOE de Fene define a intención do Concello de Ferrol de aplicar unha nova suba no prezo da auga que EMAFESA lle vende aos concellos da Ría.

Afirma Iván Puentes, portavoz socialista en Fene, que “se Ferrol ten problemas de financiamento coa súa empresa municipal de augas terá que solucionalos, pero non pode pretender que os veciños e veciñas de Fene e dos demais concellos da Ría sexamos os parvos que paguemos a súa mala xestión en EMAFESA.”

Recordan os socialistas que no ano 2007, logo dunha dura negociación, os concellos de Fene, Narón, Ares e Mugardos asinaron un convenio con Ferrol polo cal xa se subía o prezo da auga un 100% (de 0,07 € por m3. pasábase aos actuais 0,14 €) Acordo que tiña unha vixencia de 10 anos prorrogables por outros 10 e dos que tan só van transcorridos 4. A isto se aferra o PSOE de Fene para rexeitar de plano calquera suba ata que dito convenio expire.

Alternativa á compra de auga a EMAFESA

No caso de que Ferrol decida finalmente impoñer esta suba no prezo da auga, o PSOE de Fene é partidario de deixar de comprarlle a auga a EMAFESA. Para elo, chegado o momento, os socialistas de Fene reclamaranlle á Xunta de Galicia a construcción dunha traída de auga propia desde o río Eume, á que, ademais de Fene, se poderían enganchar se así o queixesen os demais concellos das rías de Ferrol e Ares.

Este proxecto, que lonxe de ser unha ocurrencia, é unha alternativa que xa se barallou por parte da Xunta de Galicia hai uns 6 anos para resolver os problemas de abastecemento de determinados concellos como Cabanas, Ares ou Pontedeume, consistiría na captación de auga do encoro de Goente (As Pontes) o mesmo desde o que hoxe xa se abastece A Capela e na súa distribución pola rede xa existente a todos aqueles concellos que se queran sumar ao proxecto.

Adoptando esta solución entende o PSOE fenés que se poría punto final á chantaxe histórica á que Ferrol ven somentendo cada certo tempo aos concellos da Ría co prezo da auga. Ademais, esta nova traída independente da de Ferrol sería máis económica, posto que ao vir dun punto máis alto que Ferrol, a auga chegaría por gravidade a todos os puntos de Fene, podendo prescindir dos custosos bombeos que actualmente consumen unha gran cantidade de electricidade e de cartos.

Ademais dos beneficios para Fene, a traída de auga desde a presa de Goente permitiría a concellos como Ares, Mugardos, Cabanas ou Pontedeume solucionar varios dos problemas cos que conta actualmente a súa rede de abastecemento, posto que se trata dun encoro cunha gran reserva de auga e situado nun punto elevado.

Iván Puentes pídelle a José Manuel Rey, Alcalde de Ferrol, “sentidiño e intelixencia, porque é Ferrol quen máis ten que perder neste asunto” referíndose un posible plante dos concellos da ría no pago da auga ou á posibilidade de que directamente lle deixen de comprar a auga EMAFESA.

O Pleno aproba por unanimidade a moción do PSOE solicitando medidas de seguridade logo do escape de Gas de San Valentín

Na sesión plenaria do Concello de Fene, celebrada na tarde de onte, todos os grupos políticos votaron a favor da moción presentada polo PSOE a raíz do escape de gas producido na avenida do Mar de San Valentín o pasado 19 de xullo.

No documento aprobado os socialistas solicitan a Gas Natural que proceda a unha revisión punto por punto de todos os elementos de seguridade da rede de gas no Concello de Fene. No caso do accidente de San Valentín, os técnicos tardaron máis de dúas horas en cortar o escape de gas porque a chave de paso da zona non estaba no lugar no que os planos dicían que estaba, tardando moito máis do debido en solucionar este accidente e aumentando considerablemente o risco para os veciños e veciñas.

Na moción tamén se lle pide a Gas Natural que entregue ao Concello de Fene unha copia de toda a rede de gas cos seus elementos de seguridade para que no caso doutro acidente similar os servizos municipais de emerxencia, policía local, protección civil e bombeiros podan ter acceso a eles de xeito inmediato. Ademais, tamén se lle solicita á empresa gasista que elabore un plan de emerxencias detallado que permita resolver este tipo de situacións no menor tempo posible.

Por último, a iniciativa socialista reclama á UTE Ares Fene (COPASA e Taboada e Ramos) adxudicataria das obras do colector de augas residuais da banda Sur da Ría de Ferrol e responsable da rotura da tubería de gas en San Valentín, que se poña a disposición dos veciños e veciñas para tramitar as compensacións ás que podan ter dereito por ser desaloxados da súa casa durante varias horas, ver interrompido o suministro de gas e outras molestias varias ociasionadas a unha poboación de idade avanzada en moitos casos.

O portavoz socialista, Iván Puentes apunta que “só a boa sorte impediu que un escape de gas de dúas horas nunha zona tan poboada como San Valentín quedase simplemente niso, pero a situación de risco para a poboación foi moi grave. Temos que aprender do sucedido para que situacións como esta non se repitan no futuro”

O PSOE de Fene presenta unha moción apoiando a construción do dique flotante e reclamando a implicación da Xunta no proxecto

Os socialistas de Fene, respondendo á solicitude feita esta semana polos Comités de Empresa de Navantia Fene e Ferrol, apoian a mobilización comarcal do 6 de novembro

O Grupo Municipal do PSdeG-PSOE no Concello de Fene rexistrou no día de hoxe unha moción na que se comprometen coas reivindicacións dos traballadores e traballadoras de Navantia, que reclaman máis carga de traballo para os estaleiros da Ría de Ferrol e a construción inmediata dun dique flotante ao servizo das factorías de Fene e Ferrol.

Ao igual que os Comités de Empresa, os socialistas de Fene entenden que a construción do dique flotante permitiría, por unha banda xerar unha actividade nos estaleiros da ría, tanto para o persoal da empresa como para a industria auxiliar da comarca, que paliaría a alarmante falta de carga de traballo á que se chegará en breve. Sería un balón de oxíxeno co que poder sobrevir mentres Navantia vai enchendo a súa carteira de pedidos con algúns dos varios contratos aos que se ten presentado en diferentes países.

Por outra banda, dotar aos estaleiros da ría dunha infraestrutura deste tipo supón a aposta polo futuro da división de reparacións, a única de Navantia que a día de hoxe da beneficios e un nicho de mercado no que as antigas ASTANO e BAZAN poden medrar moito no futuro, xa que está menos afectado pola competencia do naval asiático.

Ao respecto Iván Puentes sinala que “a diferenza do que teñen feito outros partidos, que chegaron incluso a reclamar desde a esquerda a privatización do estaleiro, o PSOE de Fene sempre apoiou as reivindicacións do Comité de Empresa de ASTANO e nesta ocasión seguiremos estando ao lado dos traballadores e traballadoras, loitando con eles polo que consideramos xusto.”

Implicación da Xunta de Galicia co dique flotante

Unha vez que esta semana o Delegado do Goberno en Galicia, Miguel Cortizo, anunciase o compromiso do Goberno de España de aportar a través de Navantia o 50% do custe da construción do dique flotante, os socialistas de Fene cren que chegou o momento de que a Xunta demostre o seu suposto compromiso co naval da comarca aportando o 50% restante.

En palabras de Iván Puentes “levamos meses escoitando falar a Feijoo do seu apoio ao sector naval. Agora chegou o momento de que se molle, de que el e o PP sigan o exemplo do Goberno de España e, ademais de falar do seu apoio aos estaleiros da Ría de Ferrol, o demostren con feitos e vexamos que non só lles importa o naval de Vigo. Iso faise implicando á Xunta de Galicia no financiamento do outro 50% do dique flotante, tal e como reclaman os traballadores e traballadoras.”

Finalmente o Grupo Municipal do PSdeG-PSOE de Fene amosa na moción o seu apoio á mobilización convocada polos sindicatos da comarca para o vindeiro 6 de novembro e solicita a implicación do Concello como institución no apoio e difusión da mesma.

NOTA DE PRENSA DEL PSOE DE FENE

O emprego, os servizos básicos, o mantemento do gasto social e a reducción da débeda centran a proposta do PSOE para os orzamentos municipais

O portavoz municipal do PSdeG-PSOE, Iván Puentes, defenderá mañá no Pleno as propostas que os socialistas lle fixeron chegar ao PP para incorporar ao borrador de orzamento para este ano 2011. O PSdeG-PSOE está a estudar o grao de incorporación desas propostas ao documento orzamentario e en función delo decidirá o seu voto.

Os socialistas de Fene queren que o orzamento municipal para este ano 2011, que se somete a votación no pleno extraordinario de mañá, sexa un “orzamento social”. Un presuposto centrado na creación de emprego, na reducción da débeda municipal sen restarlle servizos aos veciños e veciñas, no incremento e mellora dos sevizos sociais municipais e na extensión de servizos básicos a todas as parroquias. É dicir, un orzamento austero, pero centrado en reforzar a igualdade de oportunidades entre tódolos feneses e fenesas e a mellora da súa calidade de vida.

Infraestruturas e novos servizos

O PSdeG-PSOE solicítalle ao Goberno Municipal que os orzamentos de 2011 inclúan unha partida de 45.000 € coa que presionar á Xunta de Galicia para que constrúa dunha vez por todas a auga de Magalofes e o alcantarillado e auga de San Marcos e da parte alta de Sillobre. Ademais de incuír as partidas precisas que garantan a execución dos plans da Deputación aprobados polo anterior Goberno Socialista, que destinan máis de 2 millóns de euros a obras de auga, alcantarillado e pavimento de camiños en todas as parroquias de Fene.

O Grupo Municipal Socialista esixe tamén que o PP se comprometa a executar determinadas infraestruturas iniciadas polo PSOE na súa etapa de Goberno, como o paso peonil baixo a vía do tren na Estación de Perlío e o elevado no Cruceiro, a senda marítima de San Valentína Mugardos e a ampliación de Vilar do Colo, actuacións financiadas íntegramente polo Goberno de España. Tamén se solicita que se lle dea continuidade á pista de Free-Style en San Valentín, o remate da rehabilitación da Casa de Cela, no parque Castelao, para destinala a diversos servizos municipais ou o novo alumeado da Praza da Escola de Perlío, obras que se finanacian con sendos convenios asinados entre os anteriores gobernos de Fene e da Deputación da Coruña.

Por último, neste apartado, escoitando as demandas de numerosos veciños e comerciantes, os socialistas defenden nas súas propostas ao orzamento municipal que se continúe coa política de reordenación do tráfico e creación de novas áreas de aparcamento no casco urbano, ademais de seguir cos traballos de elaboración do novos Plan Xeral de Ordenación Municipal.

Emprego e Servizos Sociais

A formación para o emprego desde o concello e a axuda á creación de postos de traballo en Fene, con partidas especificas do orzamento que se destinen a tal fin é outro dos aspectos fundamentais para os socialistas de Fene. En palabras de Iván Puentes, “un orzamento ten que ser unha ferramenta útil para os veciños e veciñas e o mellor que pode facer o concello nestes momentos por eles, ademais de darlles servizos, é axudarlles na busca de emprego”.

Tamén os socialistas lle piden aos populares que se incremente o número de persoas dependentes atendidas polos servizos socias municipais, prestándolles de modo efectivo os dereitos que lles recoñece a lei de dependencia. Ademais, o PSdeG-PSOE demanda que se poña en marcha canto antes a nova sede dos servizos sociais municipais, construída polo anterior goberno de Fene nos baixos do Boloque 1 de San Valentín e que se incorporen ao concello os baixos do Bloque 10 do mesmo barrio, cedidos polos veciños e veciñas para destinalos a uso social.

Por último, o Grupo Socialista considera importante explorar a vía de conveniar cos concellos de Ares e Mugardos o centro de día de Mariña do Pombal (Caamouco) para poder ofertarlle nel prazas aos dependentes de Fene mentres a Xunta de Galicia no constrúa o centro de día de Fene. E tamén piden os socialistas que se habilite na vivenda da antiga escola do Souto Grande (Barallobre) unha vivenda de emerxencia de tempo limitado para familias feneses que queden sen fogar.

Débeda e Saneamento das Contas Municipais

Para os socialistas é fundamental seguir coa política de reducción da débeda do anterior goberno municipal, xa que, como indica Iván Puentes, “só tendo un concello saneado economicamente poderemos seguir prestándolle servizos aos veciños e veciñas no futuro”.

Con respecto á débeda bancaria, que o PSOE nos seus catro anos de goberno xa consegiu reducir en case un millón de euros, os socialistas queren destinar unha partida especifíca para amortizar máis débeda da esixida e acelerar así a cancelación dos créditos pendentes.

Polo que se refire á débeda a provedores, da que practicamente só quedan facturas pendentes do último ano, logo de que o Goberno do PSOE pagara en anteriores exercizos case tódalas facturas pendentes de anos pasados, os socialistas piden que o Goberno de Fene solicite os case 500.000 €. que pode pedir Fene con cargo ás liñas do ICO (Instituto de Crédito Oficial) habilitadas recentemente polo Goberno de España para o pago a provedores dos concellos. Así, o Concello de Fene podería saldar case toda a débeda a provedores que ten actualmente, quedarían tan só pendentes uns 100.000 € que se poderían abonar nuns meses cos propios remanentes do orzamento.


Finalmente, o PSdeG-PSOE pídelle ao PP que cubra as dúas novas prazas de policía local creadas polo anterior goberno, de tal xeito que, logo do incremento de plantilla impulsado polo PSOE nos últimos catro anos, cheguemos xa por fin ao obxectivo de ter un axente por cada mil habitantes, tal e como establece a lei, que permitirá mellorar o servizo que a Policía Local lle presta aos veciños e veciñas e poñer en marcha novas iniciativas como o servizo nocturno.

Xa fóra do estrictamente orzamentario, Iván Puentes tamén lle pide ao PP de Fene “contundencia e firmeza coa Xunta de Galicia” para evitar o peche de colexios e a reducción de profesorado e especialidades nos centros de ensino público do concello, prevista polo Goberno do PP en Galicia.

Mañá venres o PSdeG-PSOE analizará o grao de adecuación do borrador de orzamento presentado polo PP ás propostas elaboradas polos socialistas e en función diso decidirá o seu voto no pleno extraordinario convocado para as 14:15 horas.
.

O Concello de Fene espera dende setembro a que a Xunta decida se fai ou non as obras de auga e alcantarillado de Magalofes, San Marcos e a parte alta

O alcalde de Fene Iván Puentes solicitou no mes de setembro unha entrevista con Agustín Hernández para retomar o proxecto de abastecemento de auga a Magalofes

O Concello de Fene financiará parte da obra cunha partida de 180.000 euros aprobada no 2010 repartidos en catro anualidades de 45.000 euros. O rexedor fenés espera que a Xunta se comprometa a facer frente ao resto do proxecto e que se deixe de disculpas

O alcalde espera o apoio do PP de Fene a esta obra e que facilite que a Xunta se comprometa a traer auga a Magalofes. O proxecto inclue o abastecemento de auga a Magalofes e o abastecemento e saneamento de fecais en San Marcos e outros núcleos rurais de Sillobre

O Goberno de Fene e os representantes dos grupos políticos da Corporación Municipal acordaron xunto coas Asociacións de Veciños San Ramón de Sillobre, San Marcos e San Xurxo de Magalofes enviar un escrito ao conselleiro de Medio Ambiente da Xunta de Galicia Agustín Hernández onde se lle solicitou que teña a ben iniciar canto antes o procedemento preciso para a licitación e execución destas obras prioritarias e urxentes para as veciñas e os veciños destes lugares de Fene. Isto ocurriu no mes de setembro.

Dende aquela a Xunta de Galicia e concretamente a Consellería de Medio Ambiente esquenceuse de Fene e particularmente das veciñas e os veciños de Magalofes, San Marcos e Sillobre. O alcalde de Fene Iván Puentes mantivo hai máis dun ano unha xuntanza co propio responsable da Consellería de Medio Ambiente para ver as posibilidades de relanzar o proxecto. Agustín Hernández emprazou ao Concello a estudar formulas de cofinanciamento como requisito previo para retomar o tema por parte da Xunta de Galicia. O Concello de Fene aprobou no seu documento de orzamentos para o 2010 a posibilidade dunha dotación económica para esta obra.

Deste xeito está previsto un investimento de 180.000 euros aportados en catro anualidades de 45.000 euros. Ademáis o Concello tamén contribue co financiamento do estudo dos proxectos, a compra ou cesión dos terreos precisos e, no caso do abastecemento de Magalofes, o desdobre da canalización nun dos lados da estrada provincial pola que discorre a rede principal, así como a distribución capilar posterior ás diferentes vivendas da parroquia.

Iván Puentes espera que, por fin, a Xunta de Galicia asuma as suas responsabilidades coas veciñas e veciños de Galicia e particularmente de Fene. O rexedor fenés lamenta que o presidente da Xunta de Galicia só visite Fene para actos electorais do seu partido e non para visitar a Casa do Concello e falar con Iván Puentes do que de verdade lle preocupa aos nosos veciños e veciñas, as moitas actuacións que o Goberno Galego ten pendentes en Fene desde que gobernan os populares.

Dispoñiblidade de terreos

A respecto das informacións terxiversadas do PP de Fene afirmando que o Concello non conta cos terreos previstos para facer as obras, o Goberno Municipal de Fene aclara que ten á súa disposición de modo efectivo o 100% dos terreos necesarios, porque existe acordo cos propietarios dos mesmos. Simplemente faltan por escriturar no Rexistro da Propiedade dúas parcelas por diversas dificultades que presentaban as escrituras de propiedade.

En todo caso, a dispoñibilidade de terreos non é impedimento para que a Xunta poda confirmarlle ao concello a súa vontade de facer as obras e asinar o oportuno convenio. É máis, o proceso é a inversa do que sinala o PP de Fene, primeiro Xunta e Concello asinarían un convenio polo cal a Xunta financiaría parte da obra e o Concello financiaría a outra parte e logo este poría os terreos a disposición da Xunta para que se puidesen contratar os traballos. O que o PP de Fene pide é que Fene lle regale á Xunta uns terreos sen saber se se fará a obra ou non, algo que obviamente non fará o Goberno Municipal porque sería regalar cartos dos veciños e veciñas a cambio de nada.

.

Máis de 800.000 euros de investimento trocan a faciana do barrio de San Valentín nos últimos 4 anos

O alcalde destaca que este mandato foi o de máis investimento no barrio nos últimos 30 anos.

Un barrio máis habitable, con mellor calidade de vida e de servizos e con máis comodidades. Este é o obxectivo de todas as iniciativas que se levaron a cabo en San Valentín nos últimos 4 anos.

As remodelacións do bloque-1, da praza da Cooperación, o soterramento do transformador eléctrico, o incremento da potencia eléctrica para favorecer o traballo dos ascensores e o troco de beirarruas entre bloques son algunhas das actuacións levadas a cabo xunto co troco da rede de pluviais e fecais do barrio fenés y a remodelación dos espazos verdes ao carón do centro comercial.

O Goberno de Fene pon en marcha un proxecto global de renovación de todas as beirarruas do barrio entre bloques e a renovación da rede de pluviais e de fecais das vivendas desta parroquia fenesa. O proxecto comezará nos bloques próximos á praia, ao carón do centro comercial do barrio.

Búscase reformar as beirarruas existentes para adaptarlas ás disponibilidades dos veciños e tamén da administración de pluviais. Ademáis o Concello iniciou con esta obra a renovación da rede de pluviais e de fecais do barrio. Despois de 40 anos, a rede de pluviais e fecais era a mesma e isto orixinaba moitos problemas, entre eles de cheiros, aos habitantes de San Valentín. Agora adicarase a vella rede para fecais e construirase unha nova rede para pluviais. Búscase diferenciar as funcións e deste xeito incrementar o nível de calidade de vida dos veciños de San Valentín. O proxecto comezará nos primeiros catro bloques que se atopan na avenida do Mar dende a praia. Tamén está prevista a remodelación de todos os aparcamentos do barrio

Rehabilitación das zonas verdes ao carón do centro comercial

O goberno de Fene nivelou, axardinou e construiu unha senda peoníl para comunicar a rotonda do Regueiro co centro do barrio na parte de atrás do centro comercial que se atopa ao carón da rotonda do Regueiro. Deste xeito, posibilítase o paso de veciños entre o Regueiro e o barrio fenés a través desta edificación que separa a propia rotonda dos bloques de vivendas.

Reforma do bloque-1 como o departamento de Servizos Sociais do Concello

Ao longo deste mandato logrouse a cesión por parte de Navantia dos baixos do bloque-1, propiedade do estaleiro. Neste bloque estivo o ambulatorio de Fene durante moitos anos e nos últimos anos a instalación permanecia valeira. Despois de lograrse a cesión do baixo, o Goberno de Iván Puentes decidiu trasladar os Servizos Sociais do Concello a este baixo e deste xeito ampliar as instalacións adicadas a esta función (neste momento os Servizos Sociais realizan o seu traballo nun entrechán da avenida Naturais de Fene, número 44). A remodelación do bloque-1 ten unha disposición de máis de 230.000 euros, partidas procedente do plan E de investimentos locais do Goberno de España.

Parques infantís e biosaudabeis na praza da Cooperación

A remodelación integra da praza da Cooperación era unha das aspiracións e dos compromisos do Goberno de Fene en San Valentín. A remodelación xa feita significou a construcción dun parque infantil e a colocación de máquinas nunha zona biosaudabel para o disfrute de todas as veciñas e veciños de San Valentín. Esta actuación realizouse con cargo ao plan E de investimento da administración central no ano 2009.

Wifi público en San Valentín

Ademáis, o Concello pon a disposición da cidadania un servizo, que se presume esencial co paso do tempo e que significa unha vangarda tecnoloxica na comarca. Na praza da Cooperación de San Valentín instalarase nos vindeiros días un equipo de wifi para o acceso gratuito a internet para as veciñas e veciños do barrio fenés. Este acceso Wi-FI 802.11b/g de exteriores está preparado para operar en condicións climatolóxicas extremas e con características de alta disponibilidade, dispoñendo ademáis do seu correspondente certificado CE. Empregaranse equipos de cliente CPE WIMAX de exteriores para proporcionar conectividade entre os puntos de acceso Wifi e a infraestructura de transporte. Deste xeito, a infraestructura WIMAX actuará como soporte de distribución para o sistema de acceso Wifi.

O alcalde de Fene Iván Puentes afirma que con esta obra, Fene entra de cheo, tecnoloxicamente falando, na sociedade da información e no século XXI. O rexedor fenés amósase moi contento desta obra polo que supón de incremento na calidade de vida dos veciños de Fene e das empresas de Fene.

Soterramento do transformador do barrio e incremento da potencia eléctrica para o servizo de ascensores

O soterramento do transformador eléctrico de San Valentín significará un incremento notable na calidade do servizo eléctrico ofertado ás veciñas e veciños que viven no barrio e que tiveron problemas nos últimos anos, debido á instalación de ascensores nos bloques( estes edificios carecian de elevadores). A vella instalación eléctrica non soportaba o consumo dos novos ascensores polo que era necesaria unha reforma de toda a rede. O soterramento do transformador é unha parte desta actuación que se complementa co troco do cableado e tamén co remate das beirarruas perimetrais da praza e a colocación dalgúns puntos de luz. Deste xeito quedara rematada totalmente a praza da Cooperación e solucionados os problemas eléctricos dos veciños. O novo transformador posibilita duplicar a potencia e as posibilidades de consumo.

Deste xeito se cubren para moitos anos as necesidades de potencia e de consumo dos veciños, apunta o alcalde. O troco de cableado tamén mellora a potencia e o consumo nas vivendas. A actuación ascende a 230.000 euros financiados polo plan E de investimento local do Goberno de España.

.

Iván Puentes reúnese co presidente de Adif para por en marcha as obras dos pasos de peóns na via férrea en Perlío

O alcalde de Fene Iván Puentes reúnese esta vindeira semana co presidente de Adif (entidade que xestiona as infraestructuras ferroviarias e que pertence ao Ministerio de Fomento) coa intención de concretar os extremos da actuación prevista en Fene para a renovación do peche da via do tren ao seu paso pola zona urbana de Perlío e os pasos inferior na estación de Perlío e o paso elevado na zona do cruceiro.

A pasada semana os técnicos de Adif e do Concello de Fene reuníronse coa intenci´n de rematar canto antes os proxectos respectivos desta actuación e deste xeito, continuar co procedemento de adxudicar xa as obras.

Agora, se trata de manter unha nova reunión ao máximo nível entre os representantes do Concello e de Adif para xa concretar plazos, pasos e orzamentos previstos. Dende o inicio do actual mandato, o alcalde Iván Puentes marcouse como prioritaria a realizaci´n desta obra, unha das actuacións máis demandadas polas veciñas e os veciños de Fene. Dende a chegada á alcaldía, Puentes xa mantivo numerosas reunións, que tivero o seu cumio coa visita do ministro de Fomento José Blanco a pasada primavera a Fene.

Nesta visita, o ministro comprometeuse á financiación das obras e, polo tanto, asinou un convenio mediante o cal o Ministerio de Fomento asume a construcción destes pasos e a renovación de todo o peche perímetral da vía co fin de reducir o seu impacto e aumentar a integración da vía férrea no centro urbán de Fene e darlle, deste xeito, máis seguridade ás veciñas e os veciños que transitan a diario entres estas zonas.

Co comezo desta obra, o Goberno de Fene e o Ministerio de Fomento cumplen coa súa palabra e despois de décadas de reivindicación veciñal xa podemos dicir que están en marcha o proceso polo cal Perlío contará con pasos de peóns no camiño de ferro. O alcalde Iván Puentes espera que está obra esté totalmente rematada a mediados do ano que ven.

.

Puentes acusa al PP de tratar de manipular al vecindario con datos falsos

Al alcalde de Fene, Iván Puentes, no le han sentado nada bien las declaraciones del PP con respecto a la plaza del Perla no sólo porque dice que los datos barajados por los “populares” son “falsos” sino porque dejan al descubierto la “completa ignorancia” del PP con respecto a las gestiones municipales.

El regidor fenés aclara que el grupo de la oposición se equivoca con respecto tanto al montante de la inversión como a lo relativo a la línea de ayuda tramitada desde el equipo de gobierno para acceder al dinero público.

Así, Puentes deja constancia que la cuantía que saldrá de las arcas municipales no ascenderá a 25.000 euros, “senón que será o 30% de tal cantidade”, y que el origen de la subvención hay que buscarla en la Consellería de Innovación, Industria y Comercio, nunca en la Diputación de A Coruña.

Por otra parte, el presidente de la corporación municipal de Fene dice que, además, los “populares” confunden los detalles de la obra realizada en la plaza en cuestión y, sobre este último asunto, puntualiza que los bancos instalados suman un total de ocho y que catorce es el número total de jardineras. Además, argumenta la actuación en base a la necesidad de humanizar el citado entorno urbano y en promocionar el comercio local con la instalación de un monolito informativo para dar a conocer a vecinos y visitantes la oferta comercial y de ocio del municipio.

Iván Puentes entiende que se trata de una estrategia del PP para tratar de manipular a los vecinos y entiende que para el Partido Popular “calquera obra que supoña unha mellora visible nos espazos públicos de Fene é visto por determinados sectores da opsoción como negativo, o que dá a entender que antepoñen os seus intereses políticos á mellora do día a día do noso concello”.