Francisco Jorquera celebra este luns en Fene o 30 aniversario do BNG

O pasado 26 de setembro cumpríronse 30 anos desde a formación do Bloque Nacionalista Galego na Asemblea de Riazor. Para celebralo, o candidato á presidencia da Xunta, Francisco Jorquera, partipará nunha charla-coloquio que se celebrará este luns, 1 de outubro, no Círculo de Perlío, a partir das 20 horas.

Jorquera estará acompañado pola responsábel local do BNG de Fene, Digna Faraldo, así como polos candidatos da comarca de Ferrolterra ao Parlamento de Galiza: Manuel Polo (Fene) e Fernando Branco Parga (As Pontes). Participarán tamén cidadáns relacionados co sector naval e co marisqueo, os dous sectores produtivos de maior relevancia na zona. Ademais, haberá un coloquio aberto a todas as persoas que queiran participar.

As contradicións sobre os floteis supostamente contratados á mexicana PEMEX, os problemas coas bateas ou o saneamento da ría serán algúns dos temas a tratar neste acto, no que o BNG exporá as súas propostas nestes eidos e as súas alternativas de cara as vindeiras eleccións do 21 de outubro.

O BNG de Fene satisfeito co arquivo da denuncia contra Rivera Arnoso

Pulse sobre la foto para ampliarla

A responsábel local nacionalista, Digna Faraldo, quere amosar a satisfacción do BNG de Fene ante o arquivo da denuncia presentada contra o ex alcalde do nacionalista Xosé Fene Maria Rivera Arnoso por falsificación.

Os nacionalistas de Fene queremos manifestar que o BNG gobernou 28 anos con eficacia e transparencia e que  o ex-alcalde socialista Iván Puentes obrou de mala fe na denuncia contra Rivera Arnoso xa que sabía que tan so había un "atallo" administrativo para non perder unha subvención no seu momento.  O alcalde socialista intentou obter vantaxe política  duns feitos concretos desacreditando a xestión de 28 anos do BNG en Fene.  A realidade é teimuda e demostrou que o Psdeg-PSOE  gobernou 4 anos ineficazmente e xudicializando a política local e o que resulta máis grave incapaz de realizar as obras para as que tiña fondos por máis de 2,5 millóns de euros.  As obras na casa de propiedade municipal, obxecto da denuncia, segue sen rematar e o PP, actualmente no goberno, vai renunciar a 200.000€ que lle deu a deputación no mandato anterior por ser incapaz de sacar adiante a  contratación desta obra.  A antiga Casa de Cela  está en ruínas. Hoxe vemos como fronte ao intento de rehabilitala atopámonos a mala fe de uns e a ineficacia dos outros.

Para o portavoz nacionalista no concello Manuel Polo Gundín “ e lamentábel o estado de ruínas da casa, por iso imos esixir responsabilidades políticas polo deterioro do patrimonio municipal ao alcalde actual e  ao anterior”

O BNG DE FENE PRESENTA A MOCIÓN NA QUE SE REXEITA A ELIMINACIÓN DA PAGA EXTRA PERSOAL DO CONCELLO

“Os nacionalistas reuníronse cos representantes do persoal laboral e funcionario do concello para explicar a moción”

O BNG de Fene, na liña da decisión tomada pola organización a nivel nacional, rexeitamos as decisións adoptadas polo Goberno central en materia de política económica están a provocar un agravamento da crise. O “programa de reformas” executado polo PP só deu como resultados máis desemprego, unha caída no consumo e na actividade económica, e un maior estancamento do crédito ás persoas emprendedoras, empresas e familias. A única política definida é a de aplicar continuos recortes en dereitos económicos e sociais conquistados en favor das maiorías sociais.

O último episodio desta errática política económica constitúeo o Real Decreto-Lei 20/2011, do 13 de xullo, que contén medidas destinadas á minoración retributiva e de dereitos laborais para as empregadas e os empregados públicos, á redución das prestacións por desemprego, á diminución do financiamento do sistema de axuda á dependencia, á liberalización comercial que provocará perdas ao comercio tradicional fronte ás grandes superficies comerciais. Todo iso completado cunha suba fiscal (o IVE) na imposición asociada ao consumo de xeito que se reparten linealmente as cargas contributivas no canto de acometer unha reforma fiscal progresiva sobre as grandes fortunas e patrimonios e as rendas máis altas. 

Estamos perante unha auténtica imposición, que no caso dos concellos socava a autonomía local, ao pretender facelos partícipes de medidas inxustas, das que moitas corporacións locais discrepan politicamente, polo que supoñen de atacar de novo dereitos consolidados de persoas traballadoras, ademais da súa inutilidade, como xa se ten demostrado.  Nada indica na práctica que a redución salarial sobre as persoas traballadoras sexa unha medida que contribúe á reactivación económica, ao contrario, aínda resta capacidade adquisitiva á maior parte da poboación co que se resente o consumo e a actividade económica. 

No caso concreto do noso concello, estamos seguros de que eliminar a paga extra ás empregadas e aos empregados da administración municipal é unha medida profundamente inxusta e equivocada. Agravará aínda máis a crise pois reducir o poder de compra das empregadas e dos empregados públicos afectará moi negativamente a pequenas e medianas empresas, ao pequeno comercio, en xeral ao tecido económico deste concello.

O GM do BNG pediralle ao Pleno da Corporación municipal a adopción do seguinte acordo:

1.       Manifestar o rexeitamento da Corporación municipal ás medidas reguladas polo Real Decreto-Lei 20/2012, do 13 de xullo.

2.       Rexeitar a decisión de impor ás empregadas e aos empregados públicos, particularmente os vinculados aos concellos, novas perdas de poder adquisitivo, que terán un efecto indirecto sobre o consumo no concello e no tecido económico local.

3.       Compensar a perda do poder adquisitivo das empregadas e dos empregados públicos municipais, instando á Alcaldía a que adopte as medidas necesarias para atinxir ese obxectivo.

Foto denuncia

O BNG DE FENE DEMANDA A LIMPEZA DAS ESTRADAS PROVINCIAIS 

Os nacionalistas de Fene queren facer público a demanda cidadá existente ante a falla de limpeza das vías provinciais no concello de Fene. As estradas son a CP-1503 Perlio-Lavandeira 1 e a CP-3503 Barallobre-Belelle2 (segunda foto). Esta situación incrementa o perigo nestas estradas e deixa a peóns e ciclistas nunha indefensión total. Ademais da inseguridade no tráfico esta situación de maleza pode causar problemas graves en caso de lume tratándose como é o caso de estradas que pasan por zonas arboradas. No BNG imos tomar as seguintes medidas, por unha banda esixirlle ao Alcalde que se dirixa á Deputación e arranxe esta situación urxentemente, por outra banda o noso deputado provincia Xesus Vivero Soto fará a mesma demanda no ente provincia. Para o BNG este é un exemplo da mala xestión da deputación provincial e tamén é un exemplo de cómo un ente alonxado dos veciños e veciñas non é quen de dar unha resposta acaída aos seus problemas.

O GRUPO MUNICIPAL DO BNG DE FENE ABANDONA O PLENO EN PROTESTA POLA PREPOTENCIA DO ALCALDE

O primeiro xoves de mes é o día no que se celebran os Plenos ordinarios no Concello de Fene. O de onte se prevía un Pleno máis con 13 puntos na orde do día na que se aprobaron as tres mocións presentadas polo BNG. Mocións relativas aos recortes da Xunta en formación e emprego, aprobada por unanimidade, unha segunda moción relativa aos recortes da Xunta na eliminación dos convenios polos que se sosteñen as oficinas liquidadoras de impostos dependentes dos Rexistros da Propiedade, aprobada por maioría coa abstención do PP, e una terceira relativa á situación do sistema financeiro galego, o rescate á banca, a situación das persoas con participación preferentes así como a necesidade de ter una Banca pública galega que defenda os intereses da maioría dos galegos e galegas, tamén aprobada por maioría coa abstención do PP. Na orde do día tamén figuraba unha proposta do Goberno popular relativa á regulación da terrazas dos locais de hostalaría. O BNG pediulle ao goberno que a retirase para que fose exposta previamente ao sector directamente e ao movemento veciñal. O alcalde retirou o punto da orde do día pero non sen amosar unha actitude prepotente e arrogante fronte as demandas de diálogo do conxunto da oposición. No último punto da orde do día, Rogos e Preguntas, os nacionalistas como é habitual preguntamos por temas de actualidade que nos preocupan ou que nos transmite o movemento veciñal. A nosa sorpresa foi total cando a preguntas concretas de como se está a executar a prestación do servizo de limpeza mantemento e conserxería das instalacións deportivas pola nova empresa adxudicataria (EULEN) a resposta é defensiva, ofensiva, arrogante e pon na boca dos membros do GM do BNG palabras que nós nunca emitimos, chegando a afirmar que ” é a primeira vez que se sacan estas cousas a concurso e iso é o que vos molesta”. A realidade é que a empresa recoñece por escrito que non dispón dos medios técnicos que indica o prego, e máis recoñece que nin miraron o documento, e o alcalde lonxe de esixir o cumprimento do prego aprobado, ataca ao BNG pola súa labor de control e seguimento da xestión municipal. Debido á imposibilidade de contestar, xa que non hai quenda de resposta neste apartado, o GM do BNG decidiu abandonar o Pleno ante a falta total de responsabilidade do alcalde, a prepotencia exhibida e as mentiras vertidas no Pleno en contestación ás preguntas da representación nacionalista.

O BNG DENUNCIA O RECORTE DE MÁIS DE 100.000 DE EUROS DE AXUDA PARA CONTRATACIÓN DE PERSOAS NO PARO

“O BNG LEVA A PLENO TRES MOCIÓNS PARA QUE O PP DEA MARCHA ATRÁS NOS NOVOS RECORTES” 

Grupo municipal do BNG no Concello de Fene leva ao Pleno ordinario do vindeiro xoves tres mocións relativas aos novos recortes do PP en diferentes eidos. Por unha banda presentamos una primeira moción sobre o sistema financeiro galego, na que se demanda una Banca Pública, un referendo sobre o rescate á banca e na que se inclúe a solución do problema das persoas afectadas polas participacións preferentes e tamén se demanda una comisión de investigación aos responsábeis das caixas. Por outra banda presentamos unha segunda moción para que a Xunta de Galiza revoque o acordo de supresión das oficinas liquidadoras de taxas e impostos vinculadas aos Rexistros da propiedade que van provocar o despedimento de máis de 150 persoas e o alonxamento da xestión tributaria de moitos galegos e galegas. Entre os concellos afectados está Fene xa que a oficina que actualmente presta os servizos de liquidación de impostos está situada en Pontedeume e a partir do 1 de xaneiro a Xunta retiraralle o servizo. Por último presentamos una moción contra os recortes da Xunta de Galiza nos Plans de fomento do emprego e nos Plans de formación. Nesta moción denunciamos o recorte de máis dun 70% das partidas dedicadas á contratación de persoas no desemprego. Este feito é dobremente negativo para o noso concello xa que ademais de empregar a unhas 14 persoas o concello beneficiábase dun importante reforzo en materia de servizos, protección civil e atención á dependencia. O BNG propúxolle ao goberno facer un Plan de emprego adicional con cargo ao orzamento municipal. O PP preferiu adiantarlle aos bancos 124.000 € de capital dos cretos bancarios. Para o alcalde de Fene os bancos están por diante da xente, e as políticas de recortes á xente e de apoio á banca so van traer máis crise e desemprego.

O PP PRIORIZA O PAGO AOS BANCOS FRONTE Á CREACIÓN DE EMPREGO

“Os populares desoiron as propostas nacionalistas en materia de formación, emprego e benestar social.”

O goberno local de Fene, dirixido polo popular Gumersindo Galego, quedouse so na aprobación do orzamento. O BNG e IU con seis votos en contra fixaron a súa posición como moi crítica coas contas peresentadas polo PP, que so avanzaron grazas á abstención do PSOE, que novamente lle permite sacar adiante o segundo orzamento municipal ao PP.

O orzamento de Fene, igual que o resto dos concellos, está moi afectado polas imposicións e improvisacións do goberno do estado en materia económica. As normas impostas polo PP a nivel estatal dificultan moito facer cousas, pero o PP de Fene, vai máis alá do imposto, por exemplo, pediu obrigado polo estado, un Creto ao ICO a un 6,5% en novembro, para pagar facturas da época de goberno socialista de plena precampaña de 2011. Pois no orzamento de 2012 o PP inclúe unha amortización adicional de 124.000 que non tiñan por que pagar ata 2013. Con esta partida poderíanse ter creado 4 przas de peón so servizo de recollida do lixo durante un ano.

En canto á estructura do orzamento, estes atópanse desinflados nos ingresos, pasandose de prudentes e aída así incrementanse en 450.000 pola subida do IBI 6%, e incremento das Participacions do estado.

En canto aos gastos, redúcese o gasto de persoal, amortizanse 5 postos de tarballo e incrementan o gasto corrente no Cap. II que son empresas e servizos subcontratados. Existe un incremento moi importante do gasto financieiro para o pago de intereses e capital dos prestamos que ten pedido o concello.Os investimentos son de uns 500.000 euros, case todo comprometido de Plans de obras de anos anteriores, que supoñen o orzamento máis baixo para obras dos últimos 15 anos.

O orzamento non foi contrastado co movemento asociativo, consigna subvencions nominativas para actos concretos sen falar coas entidades subvencionadas.
No orzamento, novamente, o PP e o Psoe teñen un acordo tácito, o PP soluciona varios problemas herdados do Psoe, por exemplo, o Concurso de tapas do ano pasado igual ou o proxecto da rede WIFI están sen pagar e figuran neste orzamento.

Por último desde o BNG queremos manifestar que o Concelleiro de Facenda minte cando di que amplia a partida de dependencia, cando na realidade a Xunta de Galiza ten bloqueadas as altas no servizo atención á dependencia e o únicoi que fan e recoller o que se fixo en 2011 que é o que subvenciona a Xunta neste programa.

A posicion do BNG é en contra porque apostamos pola creacion de emprego, a formacion, a promoción económica e o reforzo dos servizos sociais, moi lonxe do porxecto popular.

.

O PP DE FENE EXCLÚE Á OPOSICIÓN DA MESA XERAL DE NEGOCIACIÓN

“O Grupo municipal do BNG lamenta a actitude do PP, os nacionalistas e afirman que sen participación na negociación non pode haber acordos“

O Goberno popular de Fene ven de celebrar, o pasado venres, a primeira Mesa xeral de negociación entre a representación laboral e o goberno con exclusión por primeira vez do resto dos grupos políticos.

O BNG gobernou Fene durante 28 anos e nunca, nin coas 5 maiorías absolutas, excluíu deste xeito á oposición.

Os nacionalistas demandarán na vindeira comisión de persoal ter presenza directa na Mesa xeral de negociación ou do contrario non asumiremos proposta algunha nesta materia. Paralelamente á petición en Comisión, faremos chegar un escrito lembrándolle ao alcalde Gumersindo Galego que moitos temas son de aprobación no Pleno e o PP conta con 6 de 17 actas.

Por outra banda o Grupo municipal do BNG pedirá unha xuntanza coa representación dos traballadores e traballadoras para darlles a coñecer a nosa postura e tamén coñecer as propostas que se propuxeron para o debate.

No BNG pensamos que o PP quere ir aplicando unha política de feitos consumados, contando co apoio activo ou pasivo do PSOE como levan facendo todo este primeiro ano de mandato.
.

O BNG ESÍXELLE AO ALCALDE DE FENE QUE CUMPRA CO COLECTIVO DE MARISCADORES PECHADOS NO CONCELLO

Os nacionalistas ofrecemos o noso apoio para resolver o conflicto xerado polo impago dos traballos realizados polos mariscadores e mariscadoras nos últimos 6 meses. Logo da moción aprobada por unanimidade no Pleno do xoves pasado para o BNG non é de recibo que o Alcalde non chame á Conselleira e actúe conforme se demandou no Pleno tanto polos Grupos políticos como polos propios afectados.

O Portavoz nacionalista, Manuel Polo, instou ao Alcalde a que pedise unha xuntanza coa conselleira para transmitirlle o acordo aprobado xa que os incumprimentos da Consellería do Medio Rural e Mar son tan graves que moitas das persoas afectadas polos impagos estanse a ver nunha situación límite e non vale actuar; como fai o Alcalde, pondose de perfil e como se non fose con el. O PP é responsábel político desta desfeita e o Alcalde ten unha obriga co Pleno e cos seus veciños e veciñas.

.

O BNG DE FENE URXE UNHA SOLUCIÓN AO PASO ELEVADO SOBRE A VÍA DO TREN EN PERLÍO

O concelleiro nacionalista Juventino Trigo presentou por rexistro, a pasada semana, un escrito no que se recollen as demandas dos veciños/as de Perlío, principalmente dos residentes das rúas da Torre e Hortelá, no relativo ao estado da ppasarela de paso sobre a vía do tren. Unha vez comprobado o estado da ponte elevada sobre a vía férrea que une Av. Antonia Montero con Rúa Hortelá, onde varios metros de varandilla están soltos e incluso con perigo de desprendemento, e a existencia de ocos na zona de paso, solicitamos que se proceda a inmediata reparación dos elementos mais deteriorados da ponte que supoñen un perigo inminente para os veciños e veciñas.

Desde o BNG recordamos que vai para dous anos que o Ministerio de Fomento asinou un convenio co concello de Fene para mellorar a permeabilidade da vía férrea en Perlío.
No Pleno ordinario deste xoves voltaremos a preguntar por estas obras e a súa situación.

.

O BNG de Fene apoia as reivindicacións das mariscadoras de Barallobre

O colectivo de mariscadoras e mariscadores da Confraría de Barallobre continúa o peche no Concello de Fene comezado na noite do venres ao sábado. Reclaman, en primeiro termo, que se lles abonen os pagos que lles corresponden polos traballos de mantemento, pendentes dende o mes de novembro, cando o Parlamento Galego aprobou unha Proposición non de Lei presentada polo BNG na que se aseguraban estes pagamentos.

En segundo lugar, o colectivo reclama que se realicen dunha vez os necesarios traballos de rexeneración da Ría, limpeza e sobre todo, axilización das obras para a posta en marcha das estacións depuradoras de augas residuais, que acumulan un atraso inasumíbel.

Membros da Asemblea Local do BNG de Fene expresaron persoalmente o seu apoio ás mariscadoras achegándose ata o Concello durante o día e a noite de onte, e o seguirán a facer mentres dure o peche. Así mesmo, a Responsábel Comarcal do BNG de Ferrolterra, Mercedes Tobío, e mailos deputados autonómicos Fernando Branco e Bieito Lobeira, estiveron onte en Fene para secundar as reivindicacións do colectivo.

.

O GOBERNO DE FENE TALA SEN CRITERIO ÁRBORES ORNAMENTAIS

Magnolios Gadis

Magnolia Cruce

Numerosos veciños e veciñas transmitíronlle á representación do BNG no concello as queixas polas actuacións na xardinería municipal. O nacionalistas denunciamos o que consideramos unha falta de criterio á hora de facer “traballos de xardinería” nas zonas públicas do noso concello.

Nos últimos meses e logo de trasladar varias queixas nas comisións, os nacionalistas, vemos como a concellaría de servizos e mantemento segue a talar e podar sen criterio técnico ábores e arbustos no concello de Fene.

A última vítima foi unha magnolia na praza da Constitución, no cruce de Fene, Antes foron tres magnolios na Avd. Naturais. Estas especies contaban con varias décadas de vida e non padecían enfermidades nin poñían en perigo cousa algunha.

Noutras zonas do concello tamén houbo talas e podas á carta, que para o BNG so responden ao descoñecemento do traballo e ao tempo que leva humanizar con árbores e arbustos a contorna urbana.

Os nacionalistas pediremos, na vindeira Comisión Informativa , que desde a concellaría se leve unha planificación dos traballos a realizar en materia de xardinería e mantemento, e ao mesmo tempo que se humanicen as vías urbanas con criterios técnicos.

.

O BNG DE FENE PIDE O APOIO DO PLENO Á FOLGA XERAL DO 29 DE MARZO

Os nacionalistas de Fene rexistran unha petición de Pleno extarordinario para apoiar a convocatoria sindical.

Xunto coa petición da convocatoria do Pleno extraordinario vai a proposta de Moción de apoio ás mobilizacións e á folga xeral convocadas para o 29 de marzo de 2012 polas organizacións sindicais representativas en contra da reforma laboral aprobada polo Real Decreto 3/2012, do 10 de febreiro.

Os nacionalistas de Fene consideran que o Pleno do Concello debe posicionarse sobre este tema xa que perxudica ao conxunto dos traballadores e traballadoras ademais de afectar ao comercio, a hostelaría e a toda a pequena empresa dun xeito directo.

A reforma laboral recentemente aprobada polo Goberno do Estado, constitúe outro chanzo máis na aplicación de políticas regresivas e inxustas socialmente.

A regulación laboral agora en vigor socava dereitos dos traballadores e traballadoras, actuando para iso sobre a rebaixa das indemnizacións por despedimento, a ampliación das facultades da empresa para ordenar modificacións discrecionais nas condicións de traballo e a devaluación da negociación laboral. O obxectivo último é a procura dunha maior precariedade e desregulación nas relacións laborais, que conduzan a unha redución real das rendas salariais, que xa viñan sufrindo un retroceso antes e, sobre todo, despois do estoupido da crise fronte ás rendas de capital.

Esta non é a reforma no eido do réxime laboral que se precisa para afrontar unha recuperación económica baseada na creación de emprego estábel e digno, que é a principal aspiración da maioría das persoas no noso país, especialmente dunha parte importante que atravesa graves dificultades económicas.

No Concello de Fene hai cartos pero non xestión orzamentaria

O concello aprobou o pago a provedores por valor de máis de 500.000€. Para o BNG esta boa nova poderíao ser moito máis se no verán do 2011 o PP e o PSOE tivesen contemplado no orzamento que aprobaron as partidas suficientes para pagar, cando menos, os gastos xa realizados durante o ano pasado. Esta fora unha das demandas nacionalistas que non contemplaba o documento. Agora a realidade danos a razón xa que máis de 350.000 proveñen do remante do 2011.

As empresas provedoras van cobrar agora con celeridade para que o Concello de Fene non teña que recurrir a un novo creto bancario e ser intervido n apráctica polo Estado presentando un Plan de viabilidade, cuestión que desde o BNG aplaudimos.

Desde o Grupo municipal do BNG valoramos que este goberno do PP co apoio inestimábel do PSOE ven facendo unha política económica sen planificación algunha e a ritmo de decretos do goberno do Estado. Orzamentos 2011, petición do Creto ICO por valor de 400.000€ ou as ordenanzas fiscais son exemplos deste acordos PP- PSOE.

.

O BNG de Fene esíxelle ao alcalde que defenda as demandas das persoas maiores

Os recortes da Xunta de Galiza no Centro sociocomunitario de Fene comezaron coa chegada de Feijoo á presidencia do goberno galego hai tres anos. Agora toca un recorte máis en persoal ao que os propios usuarios están a facer fornte e que contan co apoio total do BNG.
Con aterioridade a este recorte de persoal o Centro xa sufriu un retallamento nas actividades quedando sen un número importante das mesmas ou tendo que abonalas na súa integridade as persoas usuarias. Todo isto a pesar que desde a Consellería se afirmaba nunha resposta parlamentaria que o Centro de Fene contaba co mesmo orzamento que en anos anteriores.
No concello os diferentes grupos temos presentado iniciativas e demandas de apoio ás melloras das instalacións e das actividades do Centro sociocomunitario de Fene. Por isto ismos trasladarlle ao alcalde, o Popular Gumersindo Galego, a nosa demanda de que xestione ante a Consellería as melloras que esixen as persoas maiores.
Os nacionalistas queremos lembrar que Fene conta con máis de 3500 persoas maiores de 65 anos e que este centro leva anos sendo dinamizador de actividades así como un lugar de información e xetión de asuntos que lle afectan a este colectivo mellorando así a súa calidade de vida.

O BNG DE FENE RENOVA O SEU CONSELLO LOCAL

A Asemblea Local do BNG de Fene aprobou este venres, por unanimidade, o seu novo Consello Local, que está encabezado pola anterior viceresponsábel, Digna Faraldo. Moitas caras novas e algunha máis veterana que unirán as súas forzas para traballar coa sociedade fenesa.

O Consello Local saínte, encabezado por Ana Santiago, deu paso a novo órgano dentro do proceso de renovación que iniciou o BNG coa Asemblea Nacional do pasado mes de xaneiro. A nova responsábel local, Digna Faraldo, contará no equipo co portavoz municipal Manuel Polo, Sandra Permuy, Xesús Sánchez Cea, Ledicia Trillo, Alberto Maceiras, Xosé Antonio García, Manuel Vidal e Alba García (de Galiza Nova), persoas que, na súa maioría, chegan ao Consello Local por primeira vez. Ademais, forman parte do novo órgano os membros do grupo municipal, encabezado por Juventino Trigo, que vén de formalizar a súa alta na militancia do BNG.

O Consello Local de Fene foi apoiado pola totalidade da Asemblea e, segundo afirmou a nova responsábel, porase a traballar de inmediato para seguir estando ao lado da sociedade fenesa, como sempre o estivo o BNG.

O BNG DE FENE PRESENTA UNHA MOCIÓN DE REXEITAMENTO DA REFORMA LABORAL APROBADA POLO GOBERNO CENTRAL

O Goberno central vén de aprobar unha ampla reforma do réxime laboral, que suporá unha mudanza substancial no réxime de relacións laborais en Galiza.

Como o propio Goberno vén afirmando, esas medidas non contribuirán de xeito directo a xerar emprego nin a mellorar a estabilidade laboral das persoas que na actualidade ocupan postos de traballo en precarias condicións. Confírmase así, que o verdadeiro programa de Goberno do PP é aplicar unha política económica ao servizo de quenes máis teñen, en prexuízo das maiorías sociais cuxo sustento depende do seu traballo.

Constátase que o verdadeiro propósito do Goberno actual consiste en empregar a crise económica como pretexto para atacar os dereitos dos traballadores e traballadoras, rebaixando as súas condicións laborais. Fene conta con máis de 1300 persoas no desemprego e cunha gran ameaza de desaparición do pouco traballo que queda no Astaleiro de Navantia.

Por estas razón solicitamos que o Pleno do concello rexeite esta reforma laboral que, lonxe de ser equilibrada como se afana en difundir -con afán de confundir- o Goberno central, en realidade mingua dereitos regulados en normas públicas que favorecían ás persoas traballadoras, para que fiquen a vontade das decisións empresariais e desposuídos de calquera capacidade de negociación e presión para mellorar as súas condicións socioeconómicas.

ACORDO

• 1. Manifestar o rexeitamento da Corporación municipal á reforma laboral aprobada polo Real Decreto 3/2012, do 10 de febreiro, instando ao Goberno central a:
• 1. Proceder á derrogación de dita norma.
• 2. Acometer unha mellora das relacións laborais, en base ao consenso e negociación cos representantes sindicais , que protexa ás persoas traballadoras fronte á precariedade laboral e inclúa estímulos reais para a xeración de emprego de xeito inmediato.
• 2. Comunicar o presente acordo aos grupos parlamentares do Congreso de Deputados e Parlamento de Galiza, Presidente do Goberno do Estado e Presidente da Xunta de Galiza.

O INFORME DA POLICIA NON ACONSELLA A DIRECCIÓN PROHIBIDA NA RÚA CASANOVA DE FENE

“O PP actúa de costas á maioría da xente e sen ter en conta os informes da propia policía”

O Grupo municipal do BNG socilicitou no pasado mes de xaneiro os informes técnicos e da policía que xustificasen a colocación do sinal de dirección prohibida na rúa Casanova en Fene. Ademais os nacionalistas pedimos todas as peticións a favor e en contra desta medida rexistradas polos veciños. Unha vez obtida a información podemos concluir que O PP actúa de costas á maioría da xente e sen ter en conta os informes da propia policía local. Na información solicitada atopamos un informe policial que valora diferentes posibilidades de creación dunha dirección única a petición dun grupo de 12 veciños e veciñas. Neste informe non hai ningunha conclusión taxativa, senon que se informa “(…) Ó parecer dos axentes a circulación nese tramo é dificultosa, mais no resto das vías que van a soportar o tránsito dos vehículos que non podan circular polo memo (principalmente Fonte do Campo, Fontenova e Sartego) tampouco pode dicirse que señan un seguro en canto a seguridade vial.”

Quere dicir isto que a dirección prohibida trasladará problemas de tráfico pero non os mellorará. Ademais os axentes informan da existencia dun parque municipal O parque Castelao que conta coa antigua casa de Cela. Edificio que en breve será rehabilitado para ser unha dependencia municipal. Coa dirección prohibida dificúltase o acceso a este equipamento municipal.

De costas aos veciños, 440 sinaturas solicitaron a retirada do sinal, xa que afecta en grande mendida a toda a zona residencial de O Sartego, A Casa Vella, A fonte do Campo, ademais de empeorar os accesos á Casa da Cultura dende O resto do concello, xa que esta medida obriga a pasar polos semaforos do cruce de Fene.

Desde o BNG entendemos a dificultade desta e outras rúas que non teñen o ancho que recolle o PXOM en todo ou parte do seu percorrido, pero a solución neste caso non é a dirección prohibida. Unha sinalización axeitada e xestionar a apertura do vial son medidas positivas que o BNG proporá na vindeira Comisión de Obras e Urbanismo.
.

O BNG PIDE OS INFORMES QUE XUSTIFICAN A DIRECCIÓN PROHIBIDA NO CAMIÑO DA CASANOVA

O goberno do PP está a improvisar o mesmo que fixo o goberno socialista cando fixo de sentido único a rúa do Concello e logo tivo que rectificar.
Os nacionalistas afirman que xa advertiron da complexidade de instalar direccións únicas cando as vías alternativas obrigan a dar grandes rodeos.

O portavoz municipal pedirá copia dos informes que xustifican a dirección única nesta rúa que, sendo estreita, non o é menos que outras que transcorren pola zona urbana de Fene.

Para os nacionalistas o que ten que facer o goberno local é executar o PXOM e ir abrindo ás rúas con negociación cos veciños. No BNG somos conscientes de que esta dirección prohibida causa unha perturbación a toda a xente que vive na zona da Casavella, o Tellado e o Sartego, ademais de facer menos permeable a zona urbana de Fene, tendo como única alternativa a AV. Naturais de Fene.

O grupo municipal reunirase cos afectados asinantes do escrito de protesta e coa AVV de Fene para valorar a situación.

En calquera caso desde o BNG censuramos a actitude sutoritaria do alcalde ante a protesta veciñal.

.

O BNG denuncia o peche da Biblioteca Municipal de Fene

O pasado luns 9 de xaneiro, a Biblioteca Municipal de Fene permaneceu pechada sen aviso previo no seu horario habitual. Para o BNG, trátase dunha descoordinación evidente entre as Concellerías de Persoal e Cultura. O goberno local autorizou os diferentes períodos de vacacións aos que teñen dereito os empregados municipais. No caso da Biblioteca é evidente que existiu descoordinación entre as concellerías de Cultura, que marca os horarios das dependencias e a Concellaría de Persoal que autoriza os permisos e vacacións.

Xa son varios os casos de tomas de decisións equivocadas co que respecta ao persoal municipal, por parte do goberno do PP, pero esta é a primeira vez que afecta dun xeito directo á cidadanía. Antonte á tarde moitos usuarios e usuarias da Biblioteca Municipal poeta Pérez Parallé de Fene, tiveron que dar volta sen recibir o servizo agardado.

Os nacionalistas entregaron unha queixa ao alcalde a través do Rexistro municipal, para que aclare a situación e amosando a disconformidade de cómo se están a xestionar as áreas de Cultura e Persoal.
.