RAFAEL FERNÁNDEZ GARRIDO
INAUGURA “SARAJEVO. CIEN MIL ADIOSES Y UNA PROMESA” ESTE VENRES ÁS SETE E MEDIA
DO SERÁN
A mostra poderá visitarse na Casa da Cultura de
Fene (Avda de Conces, 20-22) dende o venres 30 de novembro ata o vindeiro 21 de decembro en horario de luns a
venres, de 10:00 a 13:00 horas e de 16:00 a 21:00 horas y sábados de 10:00 a
13:00 horas.
“Sarajevo. Cien mil
adioses y una promesa” é unha homenaxe aos habitantes da capital de Bosnia,
“sen querer falar da guerra”.
Sarajevo, fundada a
mediados do século XV, forxou o seu carácter baixo as numerosas dominacións que
ao longo dos tempos subxugaron ao pobo bosnio (otomanos, imperio austro-húngaro,
expansión nazi na II guerra mundial, a dictadura do Xeneral Joseph Broz Tito e
xa, a finais do século XX, a derradeira guerra dos Balcáns).
Cunha profunda pegada
musulmana, Sarajevo acolle sen embargo a cristiáns ortodoxos, a católicos e a
xudíos, convivencia percibida e sentida polo forasteiro como mostra dunha grata
hospitalidade.
O proxecto “Sarajevo. Cien
mil adioses y una promesa” que nestas datas ve a luz por primeira vez é o pago
dunha débeda contraída polo autor cos “sarajevans”, pois durante a súa estadía
de case medio ano ao longo de 2010,
endexamais se sentiu extraño naquelas terras, nin entre as súas xentes.
A través de 28
fotografías, divididas en catro sección, amósase que os moradores de Sarajevo
sempre elexiron vivir segundo a súa maneira de entender a vida, a cabalo entre
o Islam e o Cristianismo, a medio camiño entre Oriente e Occidente, á mesma
distancia do Mediterráneo que do corazón de Europa, e ás veces en paz e ás
veces en guerra; en definitiva, “ser Europa á maneira de Bosnia”.
Apuntamentos
sobre o artista:
Rafael
Fernández Garrido (1964)
Considérase a sí mesmo
viaxeiro antes que turista e, como tal, sempre tenta interpretar coa súa
fotografía a realidade que nos rodea a través dun persoal xogo de luces e
sombras.
De formación autodidacta e
acostumado dende unha idade temperá a moverse dentro e fóra das nosas
fronteiras, desfrutou ao longo da súa vida de irrepetibles oportunidades para
coñecer diferentes terras e pobos, culturas sobre as que dirixía unha
particular ollada a través dos obxectivos da súa cámara.
Gañador do concurso de
fotografía dixital sobre náutica deportiva “Spinnaker 2009” (Ferrol), e do
segundo premio “Virgen del Carmen 2012” (Instituto de Cultura e Historia Naval,
Madrid), este ano participou na exposición colectiva e itinerante “V certamen
de creadores por la Libertad y la Paz”, organizado dende Sevilla pola Fundación
contra el terrorismo y la violencia “Alberto Jiménez-Becerril”.
Entusiasta da viticultura,
a súa outra grande paixón, estuda Ciencias del Medio Ambiente na Universidade
Nacional de Educación a Distancia.
Actualmente reside en Fene
(A Coruña).
Máis información:
Rafael Fernández Garrido
Tfno. 652840577
E-mail: exposarajevo@terra.com
Compartir
No hay comentarios:
Publicar un comentario