A
Biblioteca Municipal de Fene acolle este xoves, 11 de outubro, ás 19:00 horas,
un novo faladoiro co escritor Xavier Alcalá, Premio Blanco Amor 1988 con “Alén
da desventura”. O acto, conducido por Alfredo Ferreiro, enmárcase no ciclo de
encontros con gañadores do Blanco Amor promovido pola Concellaría de Cultura de
Fene en colaboración coa Asociación de Escritores e Escritoras en Lingua
Galega.
O
faladoiro desta semana xirará sobre “Alén da desventura”, novela ambientada na
época da Ilustración e coa que Alcalá gañou o Blanco Amor en 1988, na edición
convocada polo Concello de Culleredo. Trátase dun romance cheo de intrigas e
aventuras na época da Ilustración, persoas e pobos arrastrados polos conflitos
entre as grandes potencias navais, debates aínda hoxe non resoltos. Sen dúbida,
unha gran novela e unha peza máis na recuperación da memoria colectiva.
Xavier
Alcalá (Miguelturra, Cidade Real, 1947) é enxeñeiro de telecomunicacións amais
de colaborar na prensa, actualmente cunha columna en La Voz de Galicia. Instalado en Galicia desde a nenez, iniciou a
súa obra literaria con Voltar, seis personaxes e un fado (1972), obra á
que ían seguir títulos coma A nosa cinza (1980), Fábula (1980), Nos
pagos de Huinca Loo (1982), Cárcere verde (1990), Latitude
austral (1991), Código morse (1996 )e Alén da desventura,
novela coa que obtería o Premio Blanco Amor no ano 1998.
Na
súa obra cómpre salientar o
conxunto de novelas e contos
nas que, segundo a súas propias palabras <>
Mención
á parte, merece a publicación da triloxía "Evanxélica memoria", na
que se relata a epopea das comunidades evanxélicas en Galicia, constituída polas
novelas Entre fronteiras (2004), Nas catacumbas (2005) e Unha
falsa luz (2007).
Recentemente
ven de publicar Verde oliva (2012),
obra na que o autor narra en primeira persoa a historia dunha inmigrante
burguesa que se converte en axente do 26J e participa en misións arriscadas
durante a revolución castrista. Xavier Alcalá conta na súa nova novela as
aventuras e desventuras de Mariana, a galega enguedellada nunha revolución
mítica contra o tirano que sometera a illa de Cuba. Velaquí Verde oliva, a historia
desta filla de galego e crioula que se integra nunha rede secreta de axentes
encargados de destruír o réxime do ditador.
No hay comentarios:
Publicar un comentario