Trátase dun “Obradoiro de fotografía e retoque dixital” (nivel básico) e un obradoiro sobre “Cómo chamar por teléfono (chamada e vídeo chamada) utilizando internet (Skype)”. O período de matriculación para estas dúas actividades abre o vindeiro venres 9 de decembro nas dependencias administrativas do Pavillón de “A Xunqueira” de San Valentín.
O “Obradoiro de fotografía e retoque dixital” pretende dar a coñecer os fundamentos da fotografía dixital e do retoque destas imaxes a través de programas específicos. Nel, abordaranse os principios básicos da fotografía dixital (funcionamento da cámara; enfoque; mediación da luz; fotografía en interiores e exteriores,; procesamento da imaxe…etc.).
Esta actividade celebrarase os días 19, 21, 23, 26 e 28 de decembro en horario de 10.30 a 12.30 horas na Aula Municipal de Informática. Vai dirixida a persoas maiores de 16 anos, con coñecementos de informática. O número de prazas é limitado (10 prazas) e a cuota de matriculación ascende a 10.90€.
Matriculación: Do venres 9 ao 16 de decembro nas dependencias administrativas do Pavillón de “A Xunqueira” de San Valentín en horario de 09.00a 13.30 horas. O mércores, 14 de decembro tamén en horario de 16.00 a 19.00 horas.
Pola súa banda, o Obradoiro sobre “Cómo chamar por teléfono utilizando internet” pretende introducir no uso do Skype, un software gratuíto que permite realizar chamadas e vídeochamadas gratuítas por Internet a outros ordenadores que teñan configurada unha conta de Skype. Tamén conta cunha aplicación que permite facer chamadas a teléfonos convencionais cunhas tarifas específicas diferentes ás das operadoras convencionais.
A actividade celebrarase os días 13, 15, 20, 22 e 27 de decembro en horario de 10.30 a 12.30 horas na Aula Municipal de Informática. Está dirixida a persoas maiores de 16 anos con coñecementos previos de informática. O número de prazas é limitado (10 prazas) e a cuota de inscripción ascende a 10.90€.
Matriculación: Os días 9 e 12 de decembro nas dependencias administrativas do Pavillón de “A Xunqueira” de San Valentín en horario de 09.00 a 13.30 horas.
.
No hay comentarios:
Publicar un comentario