ASINADAS SUBVENCIÓNS NOMINATIVAS DO ANO 2011

O Alcalde de Fene, Gumersindo P. Galego Feal, rubricou convenios de colaboración con diferentes asociacións por un importe total de 9.473 euros.

O salón de plenos da Casa do Concello de Fene acolleu a sinatura de sete convenios de colaboración entre o Concello de Fene e diferentes entidades por un importe total de 9.473 euros.
Trátase, dunha parte, das subvencións nominativas recollidas no orzamento municipal de 2011, subvencións teñen como finalidade contribuír ao desenvolvemento de programas e eventos que as entidades beneficiarias programan con carácter anual e que pola súa natureza e repercusión social precisan dun apoio económico estable diferenciado das subvencións en réxime de concorrencia competitiva.

As entidades e programas subvencionados son os que se relacionan de seguido:

ANPA CEIP Centieiras

• Comedor escolar curso 2010-2011
• 1.973,00 €
  

A.VV Limodre

• Festa da Orella
• 1.000,00 €

A.VV Magalofes

• Festa do Cabalo
• 1.500,00 €

A. Viquingos Río Castro

• Festa Viquinga
• 2.000,00 €

Liga Amigos Barallobre

• Romaría Camiñante Descoñecido
• 1.000,00 €

A. Micolóxica Viriato

• Xornadas micolóxicas
• 1.000,00 €

Escudería Scratch

• Slalom Fene
• 1.000,00 €

Na vindeira semana prevése a sinatura de novos convenios de colaboración por un importe total de 14.000 euros e dos que serán beneficiarias a Banda de Gaitas Airiños de Fene, o Centro de Promoción Social de San Valentín e Felicia, Asociación Cultural.