O plan de ordenación do litoral da Xunta xenerará arbitrariedade na aplicación do PXOM de Fene

Os nacionalistas piden que se incremente o prazo de alegacións pola complexidade do documento e a falla de información por parte da Xunta e o Concello

A piques de rematar o prazo de presentación de alegacións ao POL desde o BNG de Fene valoramos negativamente a súa aplicación no noso concello. Os aspectos nos que discrepamos na aplicación do POL son os seguintes:

1º.-O prazo de presentación de alegacións foi en agosto e setembro polo que na práctica o prazo real foi dun mes.

2º.- O documento é complexo, extenso e contradictorio en si mesmo o cal dificulta a súa comprensión e alegación ao mesmo.

3º.-Coa aplicación do POL en Fene redúcense as áreas de planeamento e o solo rústico apto para urbanizar coa conseguinte perda de valor do chan para os particulares e o propio concello.

4º.-O concello de Fene conta con planeamento urbanístico desde hai máis de 35 anos e coa aplicaión do POL parte do solo urbano cae na arbitrariedade e na interpretación do departamento correspondente da Xunta de Galicia

5º.- O POL é un instrumento necesario pero debe axustarse ás realidades e lexislacións existentes.

O BNG ven de pedir que o concello colabore na información ás persoas afectadas na presentación de alegacións. Animamos a todo o mundo afectado a alegar para mellorar o POL e sobre todo que teña en conta a realidade do noso concello e abandone o seu carácter arbitrario.

.