publicación de Cantares Gallegos, o 50º do Día das Letras e o centenario do nacemento dun dos seus promotores, don Francisco Fernández del Riego) son algúns dos obxectivos deste programa conxunto que, por primeira vez, desenvolven o Concello e as sociedades do termo municipal.
En palabras do alcalde de Fene,
Gumersindo Galego, “presentamos o ciclo Maio mes das letras”como unha ampla e
diversificada programación que se vai desenvolver durante todo o mes de maio
nas oito parroquias de Fene e coa que non só agardamos cumprir os obxectivos
que nos fixamos, senón tamén converter a programación cultural nun motivo máis
para vir e visitar Fene”.
Baseándose na autonomía de cada
unha das partes, con este ciclo de actividades tamén se pretende facer
transcender que Fene é un dos poucos concellos nos que o movemento
asociativo ven celebrando o Día
das Letras Galegas de xeito ininterrompido, dende a súa primeira convocatoria,
ademais de amosar a vizosidade da lingua e cultura galegas ao longo dos últimos
50 anos e xerar sinerxias, tanto a nivel da creación cultural coma no referente
ás posibilidades de asistir a diferentes actos,
Maio mes das Letras
desenvolverase do 3 ao ao 31 de maio nas oito parroquias de Fene e incluirá
todo tipo de actividades: conferencias, recitais, concertos, representacións
teatrais, sesións de contacontos, presentacións de libros, degustacións
gastronómicas, concursos, festas infantís, etc.
Programa
O ciclo comezará o venres, 3 de maio, na Liga de Amigos de
Barallobre co certame de corais Fene canta a Rosalía no que participarán todas
as corais e rondallas do concello: Eterna
Xuventude, Rondalla Perla del Río, Rondalla Estrelecer e corais polifónicas de
San Valentín, O Pote de Maniños e Agarimo de Sillobre. O sábado, 4 de maio,
tamén na Liga de Amigos de Barallobre
haberá unha cea baile amenizada polo Dúo Caramelo e o xoves día 9, no
CCRD de Perlío, unha conferencia sobre Roberto Vidal Bolaño a cargo de Mariola
Hermida Romero.
“Maio mes das letras” continuará o venres día 10 no CMI
Unidade de Fene cunha representación de O cantar dos Cantares a cargo do grupo
Xosemaría Pérez Parallé do Círculo de Fene. Ese mesmo día haberá unha
degustación de bolas da tixola na AVV de Magalofes, un concerto do grupo Abril
no CCRD de Perlío e a apertura da III Exposición de traballos manuais para
nenos na Sociedade Agarimo.
Para o sábado 11 de maio está
prevista no CMI de Fene a presentación do libro Testamento poético de Marisol
Gándara, obra gañadora da XXV edición do Premio Nacional de Poesía Xosemaría
Pérez Parallé, e un concerto músico-vocal no que a Banda de Gaitas Airiños de
Fene, o grupo de cantareiras Xerfa e o Grupo Vocal homenaxearán a Rosalía de
Castro no 150 aniversario da publicación de Cantares Gallegos. Este mesmo
sábado haberá un certame de corais no Círculo de Perlío e o denominado “serán
musical da primavera” con música e bufé de cócteles na Sociedade Agarimo de
Sillobre (entidade que o domingo 12 de maio acollerá un concurso de relatos
curtos para nenos/as e maiores).
O programa do mes das Letras
continuará o martes 14 de maio coa inauguración no Pote dunha exposición de
traballos realizados polos alumnos/as das escolas da sociedade e cunha conferencia, tamén nesta entidade,
sobre “O capitán Orozco, un lobo de mar en Maniños, que habitaba no Pazo da
Ribeira a principios do século XVII”, a cargo de Lucía Costas, Carola Macedo e
Henrique Sanfiz.
O mércores 15 haberá teatro en
Maniños co grupo “Os amigos do teatro de Narón” e para o xoves 16 anúnciase
unha festa infantil no Pote, unha actuación da escola de acordeóns “Lembranzas
de Narón” na AVV de Magalofes e o concerto músico-poético “Rosas para Galicia.
Mulleres e cantares” en Agarimo de Sillobre.
17 de maio
O Día das Letras Galegas é unha
data consagrada á exaltación e promoción da nosa literatura e da nosa lingua,
arredor da cal se celebran no noso país e no estranxeiro numerosas producións e
eventos culturais de homenaxe á figura escollida.
Este ano, no Concello de
Fene celebrarase o 17 de maio a IV Ruta
de sendeirismo “Coñece Sillobre camiñando”, promovida pola Sociedade Agarimo.
Tamén se desenvolverá ese día en San Valentín unha homenaxe a José Luís Serantes,
socio fundador e primeiro presidente do
CPS, e na Liga de Amigos de
Barallobre anúnciase a actuación do grupo de baile e cantareiras Volvoretas e
unha representación de narrativa a cargo de dúas afeccionadas.
O programa do día 17 completarase
no CMI de Fene cunha conferencia sobre Roberto Vidal Bolaño a cargo da
profesora da USC Dolores Vilavedra e a posterior actuación da Rondalla
Estrelecer. Por último, no Pote de Maniños celebrarase ese día o festival de
corais “Lembrando a Vidal Bolaño e a Rosalía”.
O programa “Maio mes das letras”
continuará máis alá do 17 de maio. O
sábado 18 haberá unha sesión de contacontos con Roi Sixto no CPS de San
Valentín, un festival de corais no salón de actos do CPI A Xunqueira de San
Valentín, actuación de rondallas na AVV de Magalofes e o tradicional baile da
flor na ACRD O Pote de Maniños.
O domingo 19 de maio tamén haberá
actividades na Liga de Amigos de Barallobre (teatro a cargo do grupo Xosemaría
Pérez Parallé), na sociedade Agarimo de Sillobre (certame de corais) e na AVV
de Magalofes (clausura do ciclo do Día das Letras Galegas e exposición da
escola de manualidades).
Para o xoves 23 de maio anúnciase
no CCRD de Perlío unha representación teatral a cargo do grupo Teatro do
Estaleiro.
O venres 24, as actividades
concentraranse en San Valentín e Limodre. No CPS proxectarase un documental en
homenaxe a Rosalía de Castro no 150º aniversario da publicación de “Cantares
Gallegos” e na AVV de Limodre celebrarán unha velada que incluirá lectura de
poemas, recital de gaita e acordeón, canción galega, actuación do monologuista
Pedro Brandariz e, ao remate, actuación do Coro Xuvenil da Sociedade Agarimo de
Sillobre.
Ao día seguinte, o sábado 25, a
música será protagonista na ACDR O Pote de Maniños cun concerto a cargo do
grupo Chiculate. Na SCRD Agarimo de Sillobre celebrarase ese día a tradicional
velada da Agrupación Teatral Agarimo.
O programa “Maio mes das letras”
concluirá coa inauguración da exposicion de traballos do alumnado das escolas
do CPS de San Valentín o martes 28 de maio e cunha actuación do grupo de teatro
Oquetiqueiras na AVV de Magalofes o venres 31 de maio.
No hay comentarios:
Publicar un comentario