O
vindeiro xoves, 4 de outubro, volven os faladoiros con gañadores de anteriores
edicións do Premio de novela longa “Eduardo Blanco Amor”. Esta nova tertulia, protagonizada
polo escritor Xesús Rábade Paredes, será conducida pola tamén escritora
Verónica Martínez Delgado. Celebrarase o xoves 4 de outubro ás 19:00 h. na
Biblioteca “Xosémaría Pérez Parallé” (Casa da Cultura de Fene).
Os faladoiros, organizados
polo Concello de Fene coa colaboración da Asociación de Escritores e Escritoras
en Lingua Galega, pretenden achegarlle á veciñanza en xeral a obra dalgúns
escritores que gañaron o premio Blanco Amor nalgunha das edicións organizadas
por concellos da comarca de Ferrolterra ou que teñen un especial vencello coa
nosa bisbarra.
Nesta ocasión quen nos
visita é Xesús Rábade Paredes, gañador do Blanco Amor no ano 2006, convodada
polo concello de Cedeira, coa obra Mentres
a herba medra.
Trátase dunha novela na que se cruzan, en conxunción coral
e sobre un ritmo jazzístico de fondo, tres xeracións que dialogan e debaten.
Como na vida mesma. Desde a fanada esperanza republicana dos máis vellos á
expresión vitalista dos seus netos rebeldes, criados na abundancia e nas
trampas do consumo.
En Mentres a herba medra o mundo urbano, omnipresente, e o rural,
evocado, simbolizan a andaina dun país que se afirma e se transforma.
Xesús Rábade Paredes é
catedrático de Lingua e Literatura, poeta, narrador, ensaísta, articulista e
tradutor. Membro do colectivo de renovación poética Cravo Fondo, a súa obra foi antologada e traducida a varias
linguas.
Como poeta, obtivo os
premios Manuel Antonio (O sangue,
xunto con Helena Villar Janeiro), Esquío (Poldros
de música) e González Garcés (Os
dedos dos loureiros). Como narrador, tamén se fixo co premio Galicia (Morrer en Vilaquinte, xunto con Elena
Villar Janeiro), co Álvaro Cunqueiro (con Branca
de Toboso) e co Blanco Amor (Mentres
a herba medra) É membro fundador do PEN Clube de Galicia.
Ademais, ten publicadas,
entre outras, as seguintes obras:
Obra poética: Xuntos cara ó mañán (1969), O
sangue na paisaxe (1979), No aló de
nós (1981), Matria de sombra
(1987), Cabeleira de pedra (1993),
Obra narrativa: A terra prometida (1974), Saraverde
(1987), A palabra secreta (1989), As sombras do barroco (1994), Como levar un morto (2001)
Obra ensaística:
Símbolos
de Galicia (1979), Literatura século XX (1985), Recuperar a voz (1993), A vida de Manuel
Murguía (2000).
Realizou estudos críticos
sobre Rosalía, Pondal, Cunqueiro, Blanco-Amor ou Neira Vilas.
Máis información sobre o
autor en http://bvg.udc.es/ficha_autor.jsp?id=xesrabad
No hay comentarios:
Publicar un comentario