No BNG de Fene facémos eco das queixas de moitas persoas que se viron sorprendidas onte ao querer acceder á praia fenesa de río Sandeo. Demarcación de Costas comunicara publicamente, logo de incumprir coa data de remate das obras de 15 de xuño, que deixaria os fleco pendentes para setembro.
Onte a empresa Tragsa, responsábel da execución das obras púxose a arranxar o camiño en plena tarde cortando o acceso á praia. Moitas persoas víronse obrigadas a dar volta ou deixar os coches nas beiras das pistas debido ao corte de acceso ao aparcamento da praia.
Desde o BNG demandamos seriedade e organización ante tantos despropositos na planificación destas obras por parte de Cotas.
Precisamente onte na comisión informativa de desenvolvemento territorial o BNG, a través do seu concelleiro Manuel Pico, preguntou se as obras da praia cumprian coa norma de accesibilidade, e se se decataran do esbaradizo da pedra colocada na rampla de acceso á praia. Os nacionalistas solicitamos un informe técnico das obras para comprobar que se adapte á normativa.
Novamente o portavoz nacionalista, Manuel Polo, pídelle a Puentes que “escoite as demandas dos veciños, que no caso destas obras teñen sobradas razóns para estar anoxados e molestos pola falla de rigor do alcalde”
.
No hay comentarios:
Publicar un comentario