Charla-Obradoiro de Educación Viaria para persoas maiores

O Concello de Fene a través da súa Concelleria de Cultura, Deportes, Xuventude e Educación pon en marcha unha charla-obradoiro orientada á educación viaria para persoas maiores.

A actividade desenvolverase mañán mércores entre as 18.00 horas e as 19.30 horas no Parque de Seguridade Viaria de Fene en Barallobre. Participarán arredor de 30 persoas. A charla consistirá no desenvolvemento da actual normativa sobre seguridade viaria, o comportamento de peóns e conductores na vía pública, sinais, etc. A actividade será impartida pola Coordenadora de Educación Viaria da Xefatura Provincial de Tráfico de A Coruña Rosa Mahia. Tamén participarán a Animadora Socio-Cultural do Concello de Fene Yolanda Cinza e a Concelleira de Cultura e Deportes Carmen Silvar. O departamento que dirixe Carmen Silvar repartirá material adecuado entre os participantes.

O Parque Municipal de Educación Viaria de Fene está emprazado no antigo apeadoiro de Renfe, na parroquia de Barallobre. Conta cunha aula totalmente equipada e cun circuito homologado de 800 metros, dotado de karts eléctricos e a pedais así como de bicicletas e triciclos.

O Parque, inaugurado en marzo de 2007, ten como finalidade “educar no respecto ás normas de circulación”.
Para o desenvolvemento das actividades que se realizan nesta instalación municipal, os modelos de vehículos adaptados para cada grupo de idade son os seguintes:

• Triciclos, coches a pedais e patíns de 3 rodas.… DE 4 A 6 ANOS
• Bicicletas pequenas……………………………… DE 4 A 8 ANOS
• Bicicletas grandes……………………………….. DE 8 A 12 ANOS
• Patíns de 2 rodas…………………………………DE 6 A 14 ANOS
• Karts…………………………………………….. DE 6 A 14 ANOS

Preto de 2.500 nenos e nenas de distintos centros da bisbarra participaron nos obradoiros escolares celebrados no Parque de Educación Viaria de Barallobre ao longo da temporada.

Solicitude de visitas ao Parque de Educación Viaria

Para solicitar unha visita ao Parque e participar nos obradoiros escolares é necesario cumprimentar a ficha de solicitude que se achega na documentación adxunta e enviala ao Departamento de Cultura, Xuventude e Deportes do Concello de Fene (Praza do Concello, s/n. 15.500. Fene. A Coruña). Tamén se pode enviar por fax (981-492788) ou por correo electrónico (cultura.deportes@fene.dicoruna.es).

A mesma ficha de inscripción pódese descargar na páxina web do Concello (www.fenecidadan.net).

.