Este sábado remata o curso de Mediación Xuvenil que se desenvolveu en Perlío nos últimos días organizado pola Concellería de Servizos Sociais que dirixe Rocio Rey. Neste curso participaron 25 rapaces e rapazas de 3º e 4º da ESO e 1º de bacharelato nos centros escolares de IES Fene, CPI A Xunqueira e Jorge Juan de Perlío. No acto de clausura farase entrega de diplomas acreditativos.
. Curso de Mediación Xuvenil
Unha vez captado o grupo de voluntariado, acordouse coas persoas que o conforman, un horario extraescolar para levar a cabo o curso de Mediación, de dúas horas durante catro días.
Os contidos a tratar nesta cuarta sesión do sábado 4 de decembro son:
Estratexias de dinamización social e difusión da información:
Creación de medios de contacto para o equipo.
Deseño de folletos informativos sobre as funcións e actividades do equipo.
Establecemento da organización interna do equipo e dos diferentes recursos informativos.
Unha vez formados os rapaces/as, estes desenvolverán o seu papel de informantes clave dentro dos centros educativos, encargándose de xestionar un punto de información xuvenil a través dun taboleiro no que se plasmará información relevante para os rapaces/as. Para isto, establecerase un contacto regular con eles/as co fin de informalos das actividades dirixidas á mocidade dentro do concello e recibir posibles suxestións ou demandas deste colectivo.
En que data se realiza?
4 de decembro.
Horario: De 12.00 h a 14.00 h
Lugar: A. VV de Perlio – Praza da Escola - Perlio
Que profesionais participan?
A técnica municipal, responsable do programa é a pedagoga, Mª José Paz, encargada de coordinar as distintas actividades. As intervencións directas coa mocidade son desenvolvidas por persoal técnico de AtalaiA. Social, especializadas en educación social. Nesta sesión participará a técnica responsable da oficina municipal de información xuvenil.
MÁIS INFORMACIÓN: SERVIZOS SOCIAIS DO CONCELLO DE FENE
Avda. Naturais, 44 – entresollado
981 34 26 07 - 981 49 27 06
.
No hay comentarios:
Publicar un comentario