Teatro de Nadal

A Concellería de Cultura que dirixe Carmen Silvar presenta Teatro de Nadal en Fene. O venres día 3 de decembro no local social do CCRD de Perlío ás 20.00 horas terá lugar a actuación da Asociación Teatral “O Aturuxo de Melpómene” coa obra Non todos os ladróns veñen por mal.

Sinopse: Comedia histérica de enredo amoroso preconstitucional, de 60 minutos de duración, apta para tódolos públicos. Adaptación da obra de Darío Fo: “No hay ladrón que por bien no venga”. Un ladrón entra a roubar nunha casa mentres os habitantes están fora. A situación complícase coas chamadas por teléfono da muller do ladrón e as chegadas sucesivas dos donos da casa e os seus respectivos amantes.

Esta actuación enmárcase dentro do programa da Rede Cultural 2010 da Deputación da Coruña


Para continuar co ciclo de teatro, a Escola de Teatro Agarimo de Sillobre actuará os días 4, 6 e 7 de decembro no CMI Unidade de Fene (ás 20.00 horas), na ACRD Liga de Amigos de Barallobre (ás 19.00 horas) e na AA.VV. San Xurxo de Magalofes (ás 20.00 horas), respectivamente.

Sinopse: ¡POR EL INTERÉS TE QUIERO, MARQUÉS!
(Escrito e dirixido por Mª Carmen Martínez)

Na tarde de Noiteboa, no piso dun presunto Marqués catalán casadeiro, afincado en Galicia, recibe a visita da súa nai, que acaba de chegar a Galicia, para coñecer a futura nora e a súa familia, presuntos Baroneses. Ambas familias presumen de cartos, pero a asistenta, ten que facer malabares para poñer na mesa a cea de Noiteboa. E para completar a noite, e que sexa boa de verdade, temos un presunto vendedor de enciclopedias, dous presuntos electricistas e a porteira do edificio, que dedica a maior parte do seu tempo a saber da vida dos demais.
A situación que se vive no piso do Marqués, onde a maior parte dos que se dan cita no seu salón teñen dobres intencións, dará lugar a este enredo.

 Sábado, 4 de decembro. CMI Unidade de Fene ás 20.00 horas
 Luns, 6 de decembro. ACRD Liga de Amigos de Barallobre ás 19.00 horas
 Martes, 7 de decembro. A.VV. San Xurxo de Magalofes ás 20.00 horas

.