Máis de
duascentas persoas tomarán parte o vindeiro domingo na “II Ruta BTT Sendeiros
de Fene”, que organiza o Club BTT Fene en colaboración coa concellería de
Deportes de Fene. A saída está prevista para as 9.00 horas do domingo 13 de
outubro, dende o pavillón polideportivo de San Valentín. Ao remate da proba,
os/as
participantes poderán participar nun xantar de confraternidade nas mesmas
instalacións do pavillón A Xunqueira (opcional).
Segundo os
organizadores, a ruta btt “Sendeiros de Fene” é unha proba na que se combina a
práctica do deporte co desfrute da paisaxe e o coñecemento das fermosas paraxes
do Concello de Fene. A ruta é federada e o seu nivel de dificultade é
medio-alto.
As persoas que
desexen anotarse na “II Rúta BTT Sendeiros de Fene” poden facelo ata o mércores
9 de outubro a través da páxina web www.clubbttfene.es ou achegándose polo
local do club (nos baixos da Casa da Cultura, en Avda. de Conces, 20-22, Fene).
O custe da actividade ascende a 8 euros (sen comida) ou 18 euros (con comida)
para os ciclistas federados e a 18 euros
(sen comida) ou 28 euros (con comida)para os non federados.
Máis
información en www.clubbttfene.es ou en
facebook CLUBBTT FENE. Teléfonos de contacto: 659 308 386 e 616 554 211.
O club ciclista BTT é unha asociación de amigos que se reúnen
habitualmente para realizar saídas turísticas, visitas a concellos, marchas
ciclistas por distintos lugares de toda a xeografía galega e un montón de
actividades relacionadas sempre coa bicicleta e enfocadas a todo tipo de
persoas, tanto adultas coma nenos/as de todas as idades. O club BTT Fene conta
cun local propio, cedido polo Concello de Fene, nos baixos da Casa da Cultura.
O CLUB BTT FENE AGRADECE A COLABORACIÓN PRESTADA POLO CONCELLO DE
FENE NA ORGANIZACIÓN DA PROBA
No hay comentarios:
Publicar un comentario