Tirolina xigante, rocódromo,
spinning, body pump, inchables, circuirto de karts, orientación, obradoiros de
valoración funcional e nutrición, patinaxe, fitness, fútbol americano
(modalidade flag), xogos infantís, obradoiro de cariocas e mirlitóns, baloncesto
en cadeira de rodas, baloncesto 3x3, fútbol sala, balonmán, deportes de
raqueta, iudo, pintadas, chave, xogos tradicionais, deporte rural, carteis e
pintadas. Son algunhas das propostas que a Concellería de Deportes do Concello
de Fene anuncia para o vindeiro domingo, 7 de xullo, durante a celebración do
XXI Día do Deporte na Rúa.
As actividades
desenvolverase na Avenida do Tarrío, rúa San Salvador e nos arredores do
Círculo de Perlío, entre as 10:30 horas e as 14:00 horas. No caso de mal tempo, trasladaranse ao
pavillón do colexio Jorge Juan (Perlío). Coma todo os anos, as persoas que participen alomenos en tres actividades
conseguirán unha camiseta conmemorativa da xornada.
O XXI Día do Deporte na rúa está organizado pola Concellería de Cultura,
Deportes e Xuventude do Concello de Fene. Colaboran: Beni Gym Gimnasio, CFA
Trasnos Club de Fútbol, SD Barallobre, C. Maniños S.D., CCRD Perlío,
Transportes Carballo, Colexio Jorge Juan e Amigos da Chave de Ferrolterra.
No hay comentarios:
Publicar un comentario