ABERTO O PRAZO DE INSCRICIÓN PARA AS COMPARSAS QUE PARTICIPEN NO ENTROIDO FENÉS

Dende hoxe e até o venres 17 de febreiro, as comparsas poden presentar as solicitudes para as axudas do Entroido 2012

O Concello de Fene ven de aprobar as bases que rexerán as axudas ás comparsas que participen nos actos programados con motivo do Entroido 2012 (poden consultarse na páxina web http://www.fenecidadan.net).

Para poder optar ás axudas reguladas nestas bases, cómpre formalizar a inscrición da comparsa e presentar toda a documentación requirida no Rexistro Xeral do Concello, de luns a venres en horario de 9.30 a 13.30 horas, e os sábados de 9.30 a 13.30 horas; con anterioridade ás 13.00 horas do venres 17 de febreiro de 2012. O Concello resérvase o dereito de non admitir a inscrición daquelas comparsas que en anos anteriores non acreditaran os mínimos de calidade e orixinalidade do seu vestiario.

Destínanse un total de 4.400 euros para axudas ás comparsas. Distribuiranse en base a un fixo por comparsa participante e, a contía restante, en función de criterios como características da mesma (infantil, adultos ou mixtas), número de membros, temática, vestimenta e posta en escena.

As comparsas que opten a estas axudas acompañarán ao Entroido nos actos programados para o mércores día 22 de febreiro de 2012 e que comenzarán cunha concentración ás 17.30 horas na Rúa Cádavo (fronte ao establecemento Aguilar).
.