Comunicámosvos a posta en marcha do Curso Teórico sobre o Uso do Ciclomotor organizado pola Concellería de Cultura, Deportes e Xuventude do Concello de Fene.
Este curso está dirixido a persoas maiores de 15 anos, terá unha duración de 8 horas; repartidas en dúas horas os venres do mes de marzo (días, 4, 11, 18 e 25 respectivamente) en horario de 17.30 a 19.30 horas.
O obxectivo principal é o coñecemento das pautas e normas da circulación encamiñadas á obtención do permiso para a condución dos ciclomotores polas vías públicas. Dito curso terá lugar no Parque Municipal de Educación Viaria, na parroquia de Barallobre. O máximo de participantes será de 25; tendo que haber un mínimo de 10 alumnos e alumnas para optar ao transporte gratuíto a Barallobre, con saída/volta na Avda. do Concello s/n.
Para matricularse no dito curso, totalmente gratuíto, deberán inscribirse do 1 ao 22 de febreiro de 2011, nas dependencias administrativas na Concellería de Cultura, Deportes e Xuventude (Avda. Naturais 44, entrechán dereita), no teléfono 981.34.03.66 ou no correo: cultura.deportes@fene.dicoruna.es en horario de luns a venres de 09.30 a 13.30 horas e os mércores de 16.30 a 18.30 horas.
.
No hay comentarios:
Publicar un comentario