Concerto de Nadal en Fene

A Concellería de Cultura e Deportes que dirixe Carmen Silvar organiza un concerto de Nadal. O acto celebrarase o vindeiro luns, 27 de decembro de 2010 a partir das 19.00 horas no Salón de Actos da Casa da Cultura. Participarán; CRISTINA FRAGA MARTÍNEZ
Pianista Fenesa, dá os seus primeiros pasos na música na Escola Municipal de piano de Fene, nas clases de Cristina Tucelli, cando contaba con 9 anos.

No ano 2000 inicia os estudos oficiais de Grao elemental e Grao Medio no Conservatorio Profesional de Música Xan Viaño de Ferrol. Estuda aquí a especialidade de piano cos profesores Damián Hernández e Andrés Pazos.

Entre os anos 2004-2007 compaxina os seus estudos na Escola Universitaria de Enfermaría de Ferrol coas súas clases no conservatorio. Xa no 2007 é Diplomada en enfermaría e no 2008 finaliza os estudos de Grao Medio no conservatorio de Ferrol coas máximas cualificacións, obtendo ademais o Premio Extraordinario de Interpretación Musical de fin de Grao Medio e fin de ciclo.

Dende o ano 2008 continúa cos seus estudos musicais, cursando actualmente 3º do Grao Superior de Piano no Centro Superior de Música do País Vasco (Musikene) co profesor Miguel Ituarte.

.