Normalidade no comezo do curso escolar 2010-2011 no Concello de Fene

Colexio Jorge Juan

Colexio Centieiras

Novecentos oitenta e cinco alumn@s de Educación Infantil e Primaria se incorporaron ás aulas esta mañá nos distintos centros do termo municipal

Tranquilo e sen incidencias resultou este primeiro día de curso para os nen@s de E.I. e Primaria matriculados nos centros de ensino do Concello de Fene. A incorporación dos alumn@s ás aulas produciuse con total normalidade, segundo aseguraron os director@s dos colexios feneses.

En termos globais, cómpre salientar o lixeiro incremento de matrícula rexistrado no presente curso escolar con 985 nen@s matriculados en Educación Infantil e Primaria no total dos centros do concello (fronte aos 973 do curso pasado).

No CPI “A Xunqueira” de San Valentín voltaron ás aulas esta mañá 184 nen@s (48 de E.I. e 136 de Primaria). No CEIP “Centieiras” de Perlío comezaron o curso escolar 209 alumn@s (dos cales 85 se encadran no treito de Educación Infantil e 124 no de Primaria). No CEIP “O Ramo” de Barallobre son 86 os pequen@s matriculados neste novo curso escolar (30 en E.I. e 56 en Primaria) e no CEIP “Os Casais” de Maniños, 70 (15 en Infantil e 55 en Primaria). Por último, o número de inscritos no Colexio “Jorge Juan” de Perlío ascende este ano a 407 (177 de E.I. e 230 de Primaria).

A maiores, cómpre engadir os datos facilitados dende as dúas escolas unitarias do concello de Fene, a de “Santa Mariña” de Sillobre, onde comezaron o curso escolar esta mañá 20 alumn@s (12 en Infantil e 8 en Primaria), e a de Limodre, con 9 alumnos matriculados este ano (4 en E.I. e 5 en Primaria).

.