De apoio á folga xeral comarcal do 12 de Xuño
A
situación da nosa comarca atópase nunha fase crítica xa que á grave crise xeral
existente en Galiza hai que engadirlle as políticas de destrución dos nosos
sectores produtivos, que levaron a un progresivo aumento do índice de
desemprego que neste momento chega ao 32% , 10 puntos por riba da media galega
– o progresivo aumento da emigración da nosa mocidade e, en definitiva, á
depauperación económica e social no ámbito comarcal.
- Que
perante esta situación, os diversos gobernos – tanto o do estado como a Xunta –
non están a propor iniciativas políticas na defensa dos nosos sectores
produtivos; mesmo incumprindo claramente os compromisos que se tiñan feito no
seu momento a respecto dalgún deles, como o naval, o eólico, etc……, ademais dos
recortes sociais, sanitarios educativos postos en marcha nos últimos 3 anos.
- Que,
como representantes da cidadanía afectada por esta situación, entendemos que
non só non debemos de permanecer ao marxe; senón que mesmo cúmpre que adoptemos
unha posición activa na denuncia desta situación e na exixencia de medidas
concretas aos gobernos para trocar esta situación.
Por todo o
exposto os grupos políticos con representación no concello, PP, PSdeG-PSOE, BNG
e EU-IU declaramos;
1.- O noso apoio
á convocatoria de Folga Xeral para o dia 12 de Xuño, así como o compromiso de
favorecer desde a institución municipal o chamamento á participación da mesma
ao conxunto da cidadanía do noso concello.
2.- A exixencia
aos gobernos de do estado e a Xunta para a concreción de medidas e prazos para
abordar iniciativas na defensa do emprego e dos nosos sectores produtivos.
3.- O chamamento ao
conxunto da cidadanía comarcal a conformar un movemento amplo de presión e
negociación para concretar os compromisos dos diversos gobernos coa nosa
comarca.
No hay comentarios:
Publicar un comentario