“Onde viven os monstros” é o título do espectáculo de narración oral que
presentará en Fene o vindeiro luns a actriz e contacontos Sherezade Bardají. A
actividade, dirixida a nenos e nenas de 3 a 12 anos, desenvolverase na
biblioteca municipal Xosemaría Pérez Paralle (Avda. de Conces, 20-22) a partir
das 18 horas.
Onde viven os monstros é a historia dunha aventura de luces e sombras. Nela, Max viaxa a través do
día e da noite ata chegar ao lugar onde viven os monstros... Alí os monstros
ruxen os seus ruxidos terribles e cruxen os seus dentes terribles…ata que Max
di: Quietos!
Onde viven os monstros está baseado no
libro homónimo de Maurice Sendak, escrito en 1963. Esta obra foi condecorada
coa Medalla Caldercott e co Boston Globe-Horn Book Award, ademais de ser un
libro notable da Asociación de Bibliotecas Americanas.
No hay comentarios:
Publicar un comentario