A Casa da Cultura de Fene
acolle esta semana a exposición “Pequenas crianzas coa arte”. Trátase dunha
compilación de pinturas e esculturas realizadas polos alumnos/as da Escola
Infantil “A galiña azul” de Fene. As obras foron realizadas por nenos/as de 1-2
anos e de 2-3 anos en distintos obradoiros nos que tamén participaron as súas
familias. Os máis pequenos, os alumnos/as da escola de bebés (0-1 anos)
pintaron un lenzo grande que tamén se inclúe na mostra.
“Pequenas crianzas coa arte” amosarase do 6 ao
13 de maio na Sala de Exposicións da Casa da Cultura de Fene (Avda. De Conces,
20-22). As persoas interesadas en visitala poderán facelo ata o venres, de
10.00 a 13.00h. e de 16.00 a 21.00 h., e o sábados, de 10.00 a 13.00 h. Mañá
martes, 7 de maio, os alumnos/as das unidades de 2-3 anos da E.I. A Galiña Azul
de Fene visitarán -a partir das 10.00 horas- a exposición e tamén a Biblioteca
Municipal Pérez Parallé.
A exposición “Pequenas
crianzas coa arte” encádrase dentro do programa “O tempo das artes”, un ciclo
no que a música, a pintura, o teatro e a escultura cobran relevancia dentro do
quefacer diario deste centro infantil. O programa artéllase en torno a
diferentes espazos para a creación nos que os pequenos/as se convirten en
grandes artistas “que gozan mergullándose en cores, formas, texturas e sons.
No hay comentarios:
Publicar un comentario