O Concello de Fene organiza dous novos obradoiros de alfabetización informática avanzada

A Concellería de Cultura, Deportes e Xuventude convoca dous obradoiros de alfabetización informática avanzada para os meses de xullo a agosto. O Obradoiro A desenvolverase dende o 11 ao 15 de xullo en horario de 10.00h. a 12.00 h e o Obradoiro B celebrarase dende o 8 ao 12 de agosto, tamén en horario de 10.00h a 12.00h. Námbolos dous casos o número de prazas ascende a 10 e o custe da actividade a 10,90 euros.

A inscrición realizarase do luns 13 ao mércores 22 de xuño de 2011, en horario de 09.30 a 13.30 horas, nas dependencias administrativas do Departamento de Cultura, Deportes e Xuventude (Avda. Naturais 44, entrechán dereita - Fene), por rigorosa orde de inscrición (cada persoa só poderá matricular no curso a un usuario/a).
Unha vez confirmada a praza e asinada a ficha de matrícula, realizarase o correspondente ingreso na conta do Concello de Fene, entregando o xustificante antes do mércores 29 de xuño de 2011.

Para máis información, dirixirse ao Departamento de Cultura, Xuventude e Deportes (Avda. Naturais, 44, entrechán dta.). Teléfono. 981-340366. Caixa de correo: cultura.deportes@fene.dicoruna.es
.