Clausura das escolas deportivas municipais de baloncesto e piscina

A Concellería de Deportes organiza para esta tarde unha exhibición das escolas municipais de minibasket e iniciación ao baloncesto. A xornada, prevista para as 17.00 horas no Pavillón da Xunqueira, comezará cunha demostración das habilidades adquiridas pol@s alumno@s ao longo do presente curso. Ao remate, xogarase un partido de baloncesto no que poderán tomar parte os pais e nais que se acheguen.

Na Piscina Municipal de Centieiras clausúranse mañá sábado, de 16.30 h ás 19.30 h as escolas deportivas municipais infantís da piscina nunha festa acúatica con exhibicións do alumnado e entrega de diplomas. A xornada desenvolverase de acordo co seguinte programa:

• De 16:30 a 17:00 horas: entrega de diplomas ao alumnado de natación primeira infancia.
• De 17:00 a 18:00 horas: exhibición das habilidades adquiridas durante o curso e festa acuática.
• De 18:00 a 18:30 horas: entrega de diplomas ao alumnado das escolas de natación infantil.
• De 18:30 a 19:30 horas: exhibición das habilidades adquiridas durante o curso e festa acuática.

.