O Racing xogará cun combinado de xogadores dos clubs de Fene no novo campo municipal de Os Pinares

O primeiro equipo do Racing de Ferrol xogará o xoves 28 de abril, ás 19:00 h., un partido amistoso cun combinado de xogadores de equipos de Fene. A Concelleria de Deportes de Fene organizou este encontro como primeira toma de contacto do fútbol fenés coa nova instalación deportiva municipal de Os Pinares, agora que xa están construidos os novos vestiarios da instalación. O novo campo de fútbol conta con seis vestiarios totalmente equipados. Esta infraestructura complementa a instalación de herba artificial, actuación realizada o ano pasado neste campo de fútbol.

O combinado de xogadores de Fene estará composto por futbolistas do Perlío, a SD Barallobre e o Cultural Maniños. O técnico fenés Antonio Fariña encargarase de dirixir este equipo de fútbol fenés.

.