O Concello de Fene rende homenaxe á profesora María Gloria Martínez Vidal no segundo cabodano do seu pasamento

O acto consistirá nunha prantación de árbores na entrada do barrio de San Valentín

O vindeiro 14 de abril cúmprense dous anos do falecemento da profesora universitaria María Gloria Martínez Vidal. Por este motivo, o Concello de Fene prepara unha homenaxe coa que se pretende salientar a traxectoria profesional e persoal desta veciña de San Valentín.

O acto, organizado polas Concellerías de Cultura e Medio Ambiente, celebrarase o venres, 15 de abril, ás doce do mediodía, no anfiteatro de San Valentín, fronte ao acceso principal ao pavillón da Xunqueira. Contará coas testemuñas de familiares e amigos da homenaxeada ademais de membros do Goberno Municipal. Tamén está prevista unha prantación de árbores nos accesos ao barrio (pola Avenida de As Pías) e a colocación dunha praca conmemorativa.

La siguiente página enlaza a este archivo:

• María Gloria Martínez Vidal

.