No momento da sinatura esta tarde en Madrid, Beatriz Corredor,secretariade estado de vivenda e de actuacións urbáns,José Blanco, ministro de
Fomento e Iván Puentes, alcalde de Fene
Vía libre á ampliación do polígono industrial de Vilar do Colo
Unha vez executada esta terceira fase Vilar do Colo será, logo de Río do Pozo, a maior superficie industrial de Ferrolterra e unha das principais de Galicia.
O Alcalde de Fene, Iván Puentes e o Presidente de SEPES, Pedro Saura, asinaron esta tarde en Madrid co Ministro de Fomento, José Blanco, o Protocolo de Colaboración entre os Concellos de Fene e Cabanas e a SEPES para iniciar os traballos de ampliación do Polígono Industrial de Vilar do Colo.
No documento asinado hoxe, froito do consenso entre os concellos e o Ministerio de Fomento, contémplase dotar a Vilar do Colo duns 700.000 m2. máis de chan industrial, o que na práctica supón case duplicar os 800.000 metros cos que conta actualmente o parque empresarial. Esta ampliación repártese en dúas zonas, unha de 500.000 m2. situada entre Laraxe e Limodre, que comparten Fene e Cabanas e outra duns 200.000 metros nas inmediacións da vía rápida de Mugardos, ubicada íntegramente en Fene.
Iván Puentes destaca que a ampliación de Vilar do Colo “é nestes momentos a mellor noticia que o Concello e o Goberno de España lle poden dar aos veciños e veciñas de Fene, porque significa crear máis emprego, máis riqueza e en definitiva máis futuro para o noso pobo”.
Unha vez realizados estes traballos da III Fase, Vilar do Colo contaría con 1.500.000 m2. de superficie industrial o que situará a este polígono entre as principais plataformas industrais de Galicia, ademais de converterse no segundo máis grande de Ferrolterra logo de Río do Pozo.
O protocolo de colaboración tradúcese na colaboración entre ambos concellos e o Ministerio de Fomento para executar a III Fase de Vilar do Colo. Para elo, o primeiro paso será a realización por parte de SEPES ao longo dos vindeiros 12 meses dun estudio arqueolóxico e un estudo medioambiental que avalen a viabilidade técnica da obra en cada zona afectada.
En paralelo, os concellos de Fene e Cabanas colaborarán coa SEPES para lograr pola vía da negociación cos actuais propietarios e propietarias a compra dos terreos precisos para a execución desta gran ampliación do parque empresarial. Ademais Fene e Cabanas irán concretando, como xa o están a facer, coa Xunta de Galicia as modificacións precisas do PXOM de ambos concellos para albergar este chan industrial.
Unha vez cumplimentados os trámites ambientais e arqueolóxicos e a dispoñibilidade dunha boa parte dos terreos, Fene, Cabanas e Fomento complementarán o protocolo de colaboración asinado hoxe cun convenio no que se precisirá xa o orzamento preciso para executar a III Fase, a superficie concreta afectada parcela a parcela e a licitación e adxudicación das obras.
O Goberno Municipal de Fene afirma que os 700.000 m2. previstos hoxe no protocolo de colaboración reducen notablemente o impacto do millón de metros que se chegaron a barallar, sempre como proposta de máximos, hai uns tres anos, cando se empezou a xestar esta III Fase de Vilar do Colo. Ademais garántase deste xeito o afastamento dos núcleos de poboación, posto que a actuación prevese sobre zonas completamente deshabitadas.
Tamén é vontade do Goberno Municipal, a medida que se vaian concretando os traballos e a superficie exacta da ampliación co Ministerio de Fomento, blindar e preservar a zona arqueolóxica do Castro de Prismos e do Marco de San Lourenzo; ademais de contemplar no proxecto que se redacte a recuperación ambiental e o saneamento do Río Vaa, moi degradado actualmente na zona. Para elo, dialogarase e recolleranse as propostas de veciños e colectivos que traballan a prol da revalorización destes espazos.
Por último, Iván Puentes lembrou o importante compromiso inversor do Ministerio de Fomento en Fene, “José Blanco é xa o ministro e o político que máis ten investido no noso Concello”, apunta o alcalde. Neste senso lembrou a construcción da Base de Salvamento Marítimo, a máis grande de España, en Vilar do Colo, a Senda Litoral que precorrerá toda a costa fenesa e da que estes días está xa a exposición pública o proxecto entre A Torre (Perlío) e O Ramo (Barallobre) o paso peonil baixo a vía do tren na Estación e o elevado no Cruceiro, o novo peche da liña férrea ou o amaño da estrada N-651. Todas elas vellas reivindicacións dos veciños e veciñas de Fene que se están a facer realidade grazas á colaboración entre o Goberno de Fene e o Goberno de España.
Charlando con Blanco logo da sinatura do acordo na sede doMinisterio de Fomento
Charlando con Blanco logo da sinatura do acordo na sededo Ministerio de Fomento
Baatriz Corredor, José Blanco e Iván Puentes, no momento dasinatura esta tarde en Madrid
.
Fume. O unico que firman é un estudo arqueolóxico e medioambiental.
ResponderEliminarMira que lle gustan as fotos a este home, ven podia montar un estudio de fotografia e dedicarse as bodas, bautizos e comunions, seguro que tiña unha boa clientela.
ResponderEliminar