Fene presenta un entroido multitudinario con 14 comparsas

O humorista Xacobo Pérez de ¡Ai Carmela que Chove! presentará o festival de comparsas


As orquestras que amenizarán a festa do entroido serán, Madeira o martes de carnaval e Trébol no mércores de cinza

O Concello de Fene presenta un Entroido 2011 multitudinario e participativo cun total de 14 comparsas de adultos, mixtas e unha infantil. Este é o segundo Entroido máis participativo xa que o primeiro foi no ano 2005 onde participaron 18 comparsas. O acto, o mércores de cinza, será presentado polo humorista e presentador Xacobo Pérez, membro do equipo do programa de radio e televisión “Ai Carmela que Chove”.


O Entroido fenés comezará o martes co festival infantil que principiará ás 17.30 horas coa actuación da orquestra Madeira. No intervalo da actuación haberá degustación de larpeiradas. O día grande será, como de costume, o mércores de cinza, festa local en Fene. Ademáis do festival de comparsas tamén haberá a tradicional queima do Entroido e a lectura do testamento. A festa rematará coa actuación da orquestra Trebol. O grupo comezará a súa actuación ás nove da noite.

Listado de Comparsas participantes:

• 1 AS VELLAS DA TROULA Asoc. Amas de Casa Adultos (Fene)
• 2 OS PARRANDOLOS Soc. Cultural Areosa Adultos (Narón)
• 3 A REVOLTA DE TRASANCOS Colectivo Sociocultural A Revolta de Trasancos Adultos (Narón)
• 4 OS ROMANOS E A LEI ANTITABACO Residencia Maiores Geriatros Ferrol Adultos (Ferrol)
• 5 DRAGÓN CHINÉS Residencia de Laraxe Adultos (Cabanas)
• 6 A BANDA DO PATIO ANPA Santa Marina de Sillobre Mixta (Fene)
• 7 BAÑISTAS DO CLUB ARROAZ Club Natación Arroaz-Fene Mixta (Fene)
• 8 CENTIEIRAS NA INDIA Centieiras Mixta (Fene)
• 9 OS XUNQUIÑOS DE SAN VALENTÍN San Valentín Mixta (Fene)
• 10 EUXA-TAUN Centro Xerontolóxico Euxa-Narón Mixta (Narón)
• 11 A CANTEIRA Asoc. A Canteira Mixta (Neda)
• 12 OS COLLUDOS Asoc. Sociocultural de Minusválidos de Ferrol Mixta (Ferrol)
• 13 AS CARAPUCHIÑAS Ares Mixta (Ares)
• 14 OS ENCANTADORES DE CENTIEIRAS Centieiras Infantil (Fene

.