Estes días comezan as obras do novo aparcamento da escola infantil da Torre en Perlío. A actuación consiste no derrube do muro de Navantia que separa a escola da rúa e na preparación do chan para o uso de aparcamento, asi como a instalación de todos os elementos propios para un moderno estacionamento. Ademáis o Concello tamén realizará a reorganización do tráfico pola zona, tal que, os coches poidan sair directamente á estrada do peirao de Perlío.
O aparcamento ten a función de facilitar aos país, familiares ou títores dos 70 alumnas e alumnos a posibilidade de deixar ao neno no propio centro e poder marchar con axilidade. O novo aparcamento da escola infantil da Torre de Perlío é posible grazas á sinatura dun convenio entre Navantia e o Concello de Fene mediante o cal a empresa pública cede uns terreos ao carón da propia escola para este fin. A actuación financiada a través do plan E do 2010, ten un custe de 200.000 euros.
O alcalde de Fene Iván Puentes recalca que esta obra era unha demanda insistente dos país e das nais dos alumnos/as da escola infantil que tiñan problemas á hora de maniobrar cos seus vehículos para achegarse á escola infantil. A creación deste aparcamento facilitará o labor de achegar á nena ou ao neno ao centro infantil. Puentes espera que este tipo de investimentos poidan incrementar os servizos que se prestan aos veciños e poidan aumentar a calidade de vida do pobo fenés.
.
No hay comentarios:
Publicar un comentario