O BNG de Fene afirma que o goberno de Puentes ten sen iniciar varias obras do Plan E entre as que se atopa o aparcadoiro da escola infantil en Perlío. A falla de previsión do goberno socialista vai provocar que as obras estean en marcha en pleno curso escolar, incrementando os problemas xa habituais da zona.
As obras foron adxudicadas pola mesa de contratación en 95.410 € o pasado mes de xullo e aínda están sen iniciar os traballos. Hoxe o BNG tiña previsto preguntar por esta actuación na Comisión de obras, pero non é posíbel debido a que o presidente da mesma suspendeuna sen conccretar a data, a pesar de existir un acordo de calendario de comisións informativas.
Estas obras son moi necesarias debido aos problemas de falla de aparcadoiro e tráfico nesta instalación pública.
O resto das obras do Plan E como a rede Wimax, o arranxo dos baixos de San Valentín para o uso dos Servizos Sociais municipais e as obras de canalización eléctrica de San Valentín están todas sen comenzar.
No hay comentarios:
Publicar un comentario