Un total de 50 postos artesanais invaden as rúas do municipio

Fene transformouse onte pola tarde nun escenario medieval, e así permanecerá até mañá, para celebrar a primeira Feira Franca do termo municipal. Así, 50 postos artesáns estarán presentes nas rúas fenesas, en concreto, na avenida e na praza do Concello.

“Nun principio ían ser máis postos pero por mór do espazo non puideron estar”, sinalou a edila de Medio Ambiente, Amalia García Balado.

Ademais, tamén haberá un recuncho reservado ós máis cativos, que contará con distintas actividades lúdicas.

Neste encontro medieval o que prima é a variedade en canto á oferta, xa que se pode atopar teatro, música, danza, espectáculos de lume, etc. Por exemplo, no día de onte, a parte da apertura da feira, tamén houbo unha cea popular. Un total de 60 persoas desfrutaron deste convite por tan só 10 euros. Hoxe a lectura dun pregón, a partir dás 11.00 horas, anunciará a continuidade da festa. A música e as obras de teatro percorrerán as rúas onde están ubicados os postos artesanais para amenizar a visita dos veciños. Coa chegada da tarde os espectáculos de marionetas e de lume estarán acompañados da danza do ventre. E por se isto fose pouco, haberá tamén un concerto de música celta.

Aspecto que presentaban onte as rúas fenesas

Sábado 26 de Setembro

Maña
11.00 Pregón e Inauguración e pasacalles.
11,00 Apertura das paradas
11,30 Recuncho infantil
11,30 Talleres de oficios antigos
12,00 Teatro de rúa
12,30 Músicos Celta e danza do ventre
13,00 Teatro de rúa
13,30 Músicos Celtas e danza do ventre

Tarde
18,00 Apertura das paradas
18,00 Músicos Celtas e danza do ventre
18,30 Talleres de oficios antigos
18,30 Recuncho infantil.
19,00 Teatro de rúa
19,30 Músicos Celtas e danza do ventre
20,00 Teatro de marionetas.
20,00 Talleres de oficios.antigos
20,30 Teatro de rúa
21,00 Músicos Celtas e danza do ventre
22,00 Espectaculo de lume e danza do ventre. Concerto de Música Celta

GALERIA FOTOGRAFICA